NTR: ఛాంపియన్‌గా?

ఎన్టీఆర్‌ కొత్త చిత్రం దాదాపుగా ఖరారైనట్టే. వచ్చే నెలలోనే అధికారిక ప్రకటన వెలువడే అవకాశాలున్నాయి. ‘ఆర్‌ఆర్‌ఆర్‌’తో త్వరలోనే సందడి చేయనున్న ఎన్టీఆర్‌... ఆ తర్వాత కొరటాల శివ సినిమా కోసం రంగంలోకి దిగుతారు. దీంతోపాటు ‘ఉప్పెన’ ఫేమ్‌ బుచ్చిబాబు సానా కథకీ ఎన్టీఆర్‌ పచ్చజెండా ఊపినట్టు తెలుస్తోంది. క్రీడా నేపథ్యంలో సాగే ఈ సినిమాని మైత్రీ మూవీ మేకర్స్‌ నిర్మించనుంది. వచ్చే నెల 11న అధికారికంగా ప్రకటన వెలువడనుందనేది పరిశ్రమ వర్గాలు మాట. విశ్వసనీయ వర్గాల సమాచారం మేరకు ఈ సినిమాలో ఎన్టీఆర్‌ కబడ్డీ ఛాంపియన్‌గా కనిపించనున్నారు. కోచ్‌గానూ ఆయన తెరపై సందడి చేయనున్నారని తెలిసింది. ‘పెద్ది’ అనే వర్కింగ్‌ టైటిల్‌తో పట్టాలెక్కనున్న ఈ సినిమా కోసం ఎన్టీఆర్‌ప్రత్యేకంగా సన్నద్ధం కానున్నట్టు తెలిసింది. దీనిపై చిత్రబృందం అధికారికంగా స్పందించాల్సి ఉంది.