Gopichand: ఆ పిల్లల చదువుకు సాయం చేస్తున్నా.. చెప్పకపోవడానికి కారణమదే: గోపీచంద్
ప్రముఖ హాస్యనటుడు ఆలీ వ్యాఖ్యాతగా ఈటీవీ వేదికపై విశేష ఆదరణ సొంతం చేసుకున్న సెలబ్రిటీ టాక్ షో ‘ఆలీతో సరదాగా’ (Alitho Saradaga). ఈ షో సెకండ్ సీజన్ తాజాగా మొదలైంది. తొలి ఎపిసోడ్కు గోపీచంద్ (Gopichand) అతిథిగా విచ్చేశారు.
ఇంటర్నెట్డెస్క్: సినిమాలపై ఉన్న ఆసక్తితో ఇంజినీరింగ్ చదువు పక్కనపెట్టి ‘తొలివలపు’తో హీరోగా ఎంట్రీ ఇచ్చారు నటుడు గోపీచంద్ (Gopichand). తొలి అడుగులో పరాజయాన్ని అందుకున్న ఆయన ‘జయం’, ‘నిజం’, ‘వర్షం’తో విలన్గా మారి వెండితెరపై సత్తా చూపించారు. ‘యజ్ఞం’తో హీరోగా సక్సెస్ రుచి చూసిన గోపీచంద్ ప్రస్తుతం వరుస సినిమాలతో ప్రేక్షకులను అలరిస్తున్నారు. ఆయన నటించిన సరికొత్త చిత్రం ‘భీమా’ (Bhimaa). ఫాంటసీ యాక్షన్ డ్రామాగా తెరకెక్కింది. మార్చి 8న ప్రేక్షకుల ముందుకురానుంది. ఈ నేపథ్యంలో ఆలీ వ్యాఖ్యాతగా వ్యవహరిస్తోన్న ‘ఆలీతో సరదాగా’ కార్యక్రమంలో ఆయన పాల్గొని పలు విశేషాలు పంచుకున్నారు.
నీ కటౌట్ చూసి ‘భీమా’ టైటిల్ పెట్టారా? లేదా హీరో పాత్రను ఆధారంగా చేసుకుని పెట్టారా?
గోపీచంద్: దర్శకుడు హర్ష కథ రాసుకునేటప్పుడే హీరో పాత్రకు ‘భీమా’ అనే పేరు పెట్టాడు. షూట్ సమయంలో ఆ విషయం నాతో చెప్పాడు. పేరు చాలా బాగుందనిపించింది. పవర్ఫుల్గా అనిపించి ఇదే టైటిల్ పెడదామని చెప్పా. ఇందులో శివతత్వంపై చిన్న పాయింట్ ఉంటుంది. శివుడి మీదే సినిమా మొదలవుతుంది. పూర్తయ్యేది కూడా శివుడిపైనే. శివుడికి మరో పేరు భీమా అని దర్శకుడు చెప్పాడు.
‘భీమా’ కథ ఎలా ఉండనుంది?
గోపీచంద్: పరశురామ క్షేత్రంలో జరిగే కథగా దీనిని సిద్ధం చేశాం. పవర్ఫుల్ పోలీస్ అధికారి పాత్రలో కనిపించనున్నా. హర్ష చెప్పిన స్క్రీన్ప్లే నాకెంతో నచ్చింది. రివర్స్ స్క్రీన్ప్లే బాగా రాశాడు. ఇది రెగ్యులర్ పోలీస్ కథ కాదు. ఇందులో సెమీ ఫాంటసీ ఎలిమెంట్ ఉంది. ఇప్పటివరకూ నేను ఇలాంటిది చేయలేదు. విన్నప్పుడు కొత్తగా అనిపించింది. బాగా కనెక్ట్ అయ్యా. ప్రేక్షకులకు తప్పకుండా నచ్చుతుందని భావిస్తున్నా.
కుటుంబసభ్యులందరూ ఎలా ఉన్నారు? పిల్లలు ఏం చేస్తున్నారు?
గోపీచంద్: అందరూ బాగున్నారు. చెల్లి డెంటిస్ట్. బావ సాఫ్ట్వేర్ ఇంజినీర్. వాళ్లకు ఇద్దరు కుమార్తెలు. హైదరాబాద్లోనే ఉంటున్నారు. అమ్మ నా దగ్గరే ఉంటుంది. నాకు ఇద్దరు పిల్లలు. పెద్దోడికి 10 ఏళ్లు. చిన్నోడికి ఐదేళ్లు. జూనియర్ గోపీ ఎవరనేది ఇప్పుడే చెప్పలేం. పెద్దోడు నా సినిమాలు బాగా చూస్తాడు. విశ్లేషణ చేస్తుంటాడు. ఇక్కడ ఇలా ఎందుకు చేశావు? అలా ఎందుకు చేశావు? అని అడుగుతుంటాడు. ఇలా చేయండి, ఉండండి అని నేను ఫోర్స్ చేయను. వాళ్లు ఏం చేస్తానన్నా సపోర్ట్ చేస్తా. ఒక్కరినైనా డైరెక్టర్ చేయాలని ఉంది.
Janhvi Kapoor: జాన్వీ కపూర్ పేరు వెనుక ఉన్న సీక్రెట్ తెలుసా..!
దర్శకుడు తేజ తెరకెక్కించిన ‘జయం’ వల్లే మీకు బ్రేక్ వచ్చింది కదా. మరి, ఆయన మిమ్మల్ని హీరోగా పెట్టి సినిమా చేయాలనుకున్నప్పుడు మీరు ఫోన్ కూడా లిఫ్ట్ చేయలేదంట?
గోపీచంద్: అలాంటిది ఏమీ లేదు. ఆయన నాతో ఒక సినిమా చేయాలనుకున్నారు. అదొక లేడీ ఓరియెంటెడ్ కథ. దానికి నేను సెట్ కాననిపించింది. కొత్త అమ్మాయిని నన్ను పెట్టి చేయడం కష్టమవుతుంది. ఎవరైనా పేరు పొందిన హీరోయిన్ని పెడితే బాగుంటుందనిపించింది. అదే విషయాన్ని తేజతో చెప్పా. నా అభిప్రాయంతో ఆయనా ఏకీభవించారు. మొహమాటానికి పోయి కొన్ని సినిమాలు చేసి గతంలో నేను నష్టపోయిన సందర్భాలు ఉన్నాయి. అందుకే, కథ నచ్చి నాకు సెట్ అవుతుందనిపిస్తేనే చేస్తున్నా. లేకపోతే చేయనని చెప్పేస్తున్నా.
మీ సినిమా టైటిల్స్ చివర్లో సున్నాలు (లక్ష్యం, లౌక్యం, రణం, పంతం) ఉంటాయి. అదేమైనా సెంటిమెంటా? తదుపరి చిత్రాలు ఎవరితో చేస్తున్నారు?
గోపీచంద్: అలాంటిది ఏమీ లేదు. అవన్నీ అలా కుదిరాయి. ‘భీమా’ తర్వాత శ్రీనువైట్లతో సినిమా చేస్తున్నా. 30 శాతం షూట్ పూర్తైంది. కొన్ని పాటలు షూట్ చేశాం. టైటిల్ ఇంకా ఫిక్స్ చేయలేదు. యాక్షన్, ఎంటర్టైన్మెంట్ కలగలిపి శ్రీనువైట్ల స్టైల్లో ఆ సినిమా ఉంటుంది.
‘భీమా’లో కష్టంగా అనిపించిన సీక్వెన్స్ ఏమైనా ఉందా?
గోపీచంద్: దాదాపు 16 రోజులపాటు అడవిలో యాక్షన్ ఎపిసోడ్ షూట్ చేశాం. ఆ సీక్వెన్స్ గురించి దర్శకుడు చెప్పినప్పుడు చాలా బాగుందనిపించింది. కానీ, సెట్లోకి అడుగుపెట్టినప్పుడు చాలా క్లిష్టంగా అనిపించింది. రంపచోడవరం అటవీ ప్రాంతంలో షూట్. అడవిలో రాత్రిపూట షూట్ చేసిన అనుభవం నాకు లేదు. మొదటిరోజు భారీ వర్షం. నల్ల తేళ్లు, పాములు.. బిక్కుబిక్కుమంటూ ఆ సీక్వెన్స్ పూర్తి చేశాం. ఆ ఎపిసోడ్ ఆడియన్స్కు తప్పక నచ్చుతుంది.
రష్యాలో చదువుకునే రోజుల్లో ఫ్రెండ్ బర్త్డే పార్టీకి వెళ్లి బాగా ఎంజాయ్ చేశారంట?
గోపీచంద్: రష్యాలో నేను మెకానికల్ ఇంజినీరింగ్ చేశా. నాకు మద్యం అలవాటు లేదు. ఫ్రెండ్ బర్త్డే పార్టీలో మా గ్యాంగ్ మొత్తం ప్లాన్ చేసి నాతో తాగించారు. కట్ చేస్తే రెండు రోజులు వాంతులు. కోలుకోవడానికి రెండు రోజులు పట్టింది. ఆ తర్వాత వేరే వాళ్లను అడిగితే జరిగింది చెప్పారు.
రేష్మ (హీరో శ్రీకాంత్ మేనకోడలు)తో వివాహం ఎలా నిశ్చయమైంది? ఆమె నీకు ఇచ్చిన తొలి బహుమతి ఏమిటి?
గోపీచంద్: సినిమాలపరంగా శ్రీకాంత్తో నాకు పరిచయం ఉంది. ఆయన మేనకోడలు రేష్మ ఫొటో నేనొకసారి చూశా. పెళ్లి గురించి ఆయనతో ఎలా మాట్లాడాలో అర్థం కాలేదు. చలపతిరావుగారితో చెప్పా. ‘కంగారు పడకు నేను మాట్లాడతా’ అని ముందుండి నడిపించారు. అలా మా పెళ్లి జరిగింది. పెళ్లి ఫిక్స్ అయ్యాక.. టీ షర్ట్, గ్రీటింగ్ కార్డు గిఫ్ట్గా ఇచ్చింది.
‘భీమా’లో చూపించిన గిత్తను ఒంగోలు నుంచి తీసుకువచ్చారా?
గోపీచంద్: గిత్త మీద కూర్చొని ఎంట్రీ ఇవ్వాలని హర్ష చెప్పినప్పుడు సీజీ చేద్దామన్నా. సహజంగా అనిపించదని నచ్చజెప్పి నన్ను ఒప్పించాడు. చెన్నై నుంచి గిత్తను తెప్పించాడు. ఒక రోజంతా దాని పక్కనే ఉండి.. గడ్డి పెట్టా. అలా దాన్ని మచ్చిక చేసుకుని షాట్ పూర్తి చేశా.
పూరీ జగన్నాథ్ (Puri Jagannadh) చేతిలో పడిన ఏ హీరోకైనా లుక్ లేదా బాడీ లాంగ్వేజ్ మారడం సహజం. ‘గోలీమార్’లో మాత్రం నువ్వు ఏం మారలేదు. ఎందుకలా?
గోపీచంద్: ఆయన చెప్పిన కథ నాకెంతో నచ్చింది. కథకు అనుగుణంగా మారమని సలహాలు, సూచనలు చేస్తారనుకున్నా. కానీ ఆయన ఏం చెప్పలేదు. షూట్లోకి అడుగుపెట్టిన తర్వాత ‘సర్.. ఇలా ఓకేనా? బాడీ లాంగ్వేజ్ ఏమైనా మార్చాలా’ అని అడిగా. ‘ఇది చాలా బాగుంది. ఇలా కంటిన్యూ చెయ్’ అని బదులిచ్చారు.
సినిమా చేస్తున్నప్పుడు సక్సెస్ అవుతుందని భావించి.. రిలీజ్ అయ్యాక నిరుత్సాహపడిన సందర్భాలు ఏమైనా ఉన్నాయా?
గోపీచంద్: నాకు బాగా నచ్చిన సినిమా ‘ఒక్కడున్నాడు’. మంచి కాన్సెప్ట్. దానికి రావాల్సినంత పేరు రాలేదు. అదే చిత్రాన్ని ఇప్పుడు తీసి ఉంటే పెద్ద హిట్ అయ్యేది. చిన్న చిన్న తప్పులు ఉన్నప్పటికీ ‘గౌతమ్నంద’కు అనుకున్నంత సక్సెస్ దక్కలేదు. అందులో నేను హీరో - విలన్ రోల్స్ చేశా.
ప్రభాస్ నీకు క్లోజ్ ఫ్రెండ్ కదా. ఆయన పెళ్లి ఎప్పుడు?
గోపీచంద్: తెలియదు. ప్రభాస్ (Prabhas) సినిమాల్లోకి రావాలనుకుంటున్నప్పుడే మా మధ్య పరిచయమైంది. ‘వర్షం’తో స్నేహం మరింత బలపడింది. కలిసి సినిమా చేయాలని అనుకుంటున్నాం. తను ఇప్పుడు బిజీగా ఉన్నాడు. తప్పకుండా మేమిద్దరం కలిసి సినిమా చేస్తాం.
బయోపిక్లో నటించే అవకాశం వస్తే ఎవరి జీవిత కథలో నటిస్తావు?
గోపీచంద్: భగత్సింగ్ చేయాలని ఉంది. అదొక పవర్ఫుల్ పాత్ర.
నువ్వు నటించిన చిత్రాల్లో దేనిని రీ రిలీజ్ చేయాలనుకుంటున్నావు?
గోపీచంద్: 4కె, మ్యూజిక్ కాస్త మార్చి ‘సాహసం’ రీ రిలీజ్ చేస్తే అది మళ్లీ బ్లాక్ బస్టర్ అవుతుంది. ఆ సినిమా కోసం బాగా కష్టపడ్డాం. అది నాకెంతో ఇష్టమైన మూవీ. ‘ఒక్కడున్నాడు’ రీమేక్ చేయొచ్చు.
ప్రతినాయకుడి పాత్రల్లో చేయమని ఈ మధ్య కాలంలో ఎవరైనా అడిగారా? సల్మాన్, షారుక్ సినిమాల్లో విలన్ పాత్రల కోసం అడిగితే చేస్తావా?
గోపీచంద్: అలా ఏమీ రాలేదు. హీరో పాత్ర నెగెటివ్ షేడ్స్లో ఉండే రోల్స్ చేయాలని ఉంది. నేను నటించిన చిత్రాలు హిందీలోనూ డబ్ అయ్యాయి. హిందీ నిర్మాతలు అవకాశాలు ఇచ్చారు. కానీ, తెలుగులో సంతోషంగానే ఉన్నా.
నువ్వు ఎంతోమంది పిల్లలను చదివిస్తున్నావు కదా. దాన్ని ఎందుకు బయటకు చెప్పడం లేదు?
గోపీచంద్: మనం ఇష్టంతో చేసే పనిని బయటకు చెప్పాల్సిన అవసరం ఏముంది. ఇప్పటివరకూ నేను కొంతమందిని చదివించా. అందులో కొందరు ఉద్యోగాల్లోనూ జాయిన్ అయ్యారు. కొంతమందికి నా పేరు కూడా తెలియదు. చదివే వాళ్లకు సాయం చేస్తున్నా. చదువుకు ప్రాధాన్యం ఇవ్వడానికి కారణం.. ఒక వ్యక్తి తన కాళ్లపై తాను నిలబడటానికి ఉపయోగపడుతుంది. మంచి స్కూల్ పెట్టాలని నాన్న అనుకున్నారు. మా చిన్నప్పుడు ఒంగోలులో స్కూల్ పెట్టారు. ఆయన మరణం తర్వాత మేము దాన్ని కొనసాగించలేకపోయాం.
గోపీచంద్: మీరు ఎన్నో ఏళ్ల నుంచి సినిమాలు చేస్తున్నారు. ఎంతోమంది స్టార్స్ను చూశారు. అప్పటికి, ఇప్పటికి ఉన్న తేడా ఏమిటి?
ఆలీ: ఆనాటి రోజులు నిజంగానే గోల్డెన్ డేస్. ఇటీవల మెగాస్టార్ చిరంజీవికి పద్మవిభూషణ్ రాగానే పుష్పగుచ్ఛం తీసుకువెళ్లి ఇచ్చాను. ఆయన వెంటనే దగ్గరకు తీసుకుని మనలో మనకు ఇవన్నీ ఎందుకు అన్నారు. ‘లేదు అన్నా. ఎక్కడ మొగల్తూరు. ఎక్కడ మీ విజయం. మీ ఇంటికి వస్తుంటే మీరు పడిన కష్టం కనిపిస్తుంది’ అనగానే.. ‘ఇదే కదా మన ప్రయాణం’ అని చెప్పారు. చెన్నైలో అడుగు పెట్టినప్పుడు కష్టాలు ఎదుర్కొన్నా. తిండి లేకపోయినా ఫర్వాలేదు కానీ, వేరే వాళ్ల వద్ద చేతులు చాచకూడదనుకున్నా. సైకిల్ వేసుకుని ఆఫీసుల చుట్టూ తిరిగా. ఇప్పుడు అక్కడికి వెళ్తే ఆనాటి జ్ఞాపకాలు కళ్ల ముందు మెదులుతాయి. నాకు ఎవరి సపోర్ట్ లేదు. స్వతహాగా ఈ స్థాయికి వచ్చా. ఇప్పుడు వచ్చే ఆర్టిస్టులు చాలామందికి.. ‘‘జీవితమంటే ఇది కాదు’ అని నేను చెప్తుంటా.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ధనుష్ చేయాలనుకున్న పాత్రలో నేను నటించా!
‘‘నేను హీరోనా? లేక విలన్గా కనిపిస్తానా అనే విషయాల్ని పక్కనపెడితే... నటన పరంగా ‘రాయన్’ నా కెరీర్లో గుర్తుండిపోయే చిత్రం అవుతుంది’’ అంటున్నారు సందీప్కిషన్. -
ఆ షాక్ నుంచి బయటకు రావడానికి మూడు రోజులు పట్టింది: కృష్ణవంశీ
ఈటీవీ ‘నా ఉచ్ఛ్వాసం కవనం’ కార్యక్రమానికి దర్శకుడు కృష్ణవంశీ అతిథిగా హాజరయ్యారు. సిరివెన్నెల సీతారామశాస్త్రితో ఉన్న అనుబంధాన్ని గుర్తుచేసుకొని భావోద్వేగానికి గురయ్యారు. -
పవన్ కల్యాణ్పై ప్రశ్న.. ఇలాంటివి అడగొద్దన్న నిహారిక
తన సమర్పణలో రానున్న ‘కమిటీ కుర్రాళ్లు’ సినిమా ప్రచారంలో బిజీగా ఉన్నారు నిహారిక. తాజాగా పాల్గొన్న ఓ ఇంటర్వ్యూలో పవన్ కల్యాణ్ గురించి ప్రత్యేకంగా మాట్లాడారు. -
‘నిన్నెవరన్నా సినిమా తీయమని బతిమలాడారా’ అంటూ తిట్టారు: కృష్ణవంశీ
క్రియేటివ్ డైరెక్టర్ కృష్ణ వంశీ (Krishna Vamsi) ఈటీవీ ‘నా ఉచ్ఛ్వాసం కవనం’ (Naa Uchvasanam Kavanam) ద్వారా తాను తండ్రిగా భావించే సిరివెన్నెల సీతారామశాస్త్రికి సంబంధించిన ఎన్నో అనుభవాలనుపంచుకున్నారు. -
యాస్కీన్ పాత్ర ‘కల్కి: పార్ట్-2’లో అదిరిపోతుంది: కమల్హాసన్
Kalki 2898 AD: కల్కిలో యాస్కీన్ పాత్ర గురించి కమల్హాసన్ తన అభిప్రాయాన్ని పంచుకున్నారు. -
నా ఫ్లాప్లు వాళ్లు ఎంజాయ్ చేస్తున్నారు: స్టార్ హీరో
ఇండస్ట్రీలో ఒకరిపై ఒకరు బురద జల్లుకోవడం సాధారణమైపోయిందని స్టార్ హీరో అక్షయ్ కుమార్ విచారం వ్యక్తం చేశారు -
ఆఫీస్ బాయ్ అనుకొని టీ తీసుకురమ్మన్నారు..: కృష్ణవంశీ
గేయ రచయిత సిరివెన్నెల సీతారామశాస్త్రి (sirivennela sitarama sastry) ని చాలా ఎక్కువగా అనుసరించే వాడినని దర్శకుడు కృష్ణవంశీ (Krishna vamsi) అన్నారు. ఆయనతో ఉన్న అనుబంధాన్ని పంచుకున్నారు. -
అందుకే ‘భారతీయుడు’ సీక్వెల్ రెండు భాగాలు: శంకర్
‘భారతీయుడు 2’ ఈ నెల 12న విడుదల కానుంది. ఈ సందర్భంగా హైదరాబాద్లో నిర్వహించిన ప్రెస్మీట్లో టీమ్ పాల్గొని, సందడి చేసింది. -
‘కల్కి’లో కృష్ణుడిగా మహేశ్బాబు: నాగ్ అశ్విన్ సమాధానమేంటంటే?
‘కల్కి 2898 ఏడీ’ దర్శకుడు నాగ్ అశ్విన్ మీడియాతో ముచ్చటించారు. ఆ సినిమా గురించి పలు ఆసక్తికర విశేషాలు పంచుకున్నారు. -
ప్రభాస్ పాత్రపై ఫ్యాన్స్ అసంతృప్తి: అశ్వనీదత్ సమాధానమేంటంటే?
‘కల్కి 2898 ఏడీ’తో మంచి విజయాన్ని అందుకున్నారు ప్రముఖ నిర్మాత అశ్వనీదత్. ఓ ఇంటర్వ్యూలో పాల్గొని పలు ఆసక్తికర విశేషాలు పంచుకున్నారు. -
‘జేమ్స్ బాండ్’ తరహా సినిమాలతో పాటు ఇలాంటివీ తీస్తాను.. ఫ్యూచర్ ప్రాజెక్ట్స్పై శంకర్ కామెంట్స్
‘భారతీయుడు 2’ ప్రమోషన్లో భాగంగా శంకర్ అభిమానులతో ముచ్చటించారు. వారి ప్రశ్నలకు ఆసక్తికర సమాధానాలు చెప్పారు. -
‘నేనున్నాను’ హిట్ కావడానికి అదే కారణం: నాగార్జున
గేయ రచయిత సిరివెన్నెల సీతారామశాస్త్రి అంటే తనకెంతో ఇష్టమని నాగార్జున అన్నారు. ఆయనతో ఉన్న అనుబంధాన్ని పంచుకున్నారు. -
‘కల్కి’ పార్ట్-2 రిలీజ్ ఎప్పుడంటే? ఆసక్తికర విషయాలు చెప్పిన అశ్వనీదత్
kalki part 2 release date: ప్రభాస్, నాగ్ అశ్విన్ కాంబినేషన్లో వచ్చిన ‘కల్కి 2898 ఏడీ’ సినిమా విజయపథంలో దూసుకుపోతోంది. ఈసందర్భంగా నిర్మాత అశ్వనీదత్ ఆసక్తికర విషయాలను పంచుకున్నారు. -
కావాలనే అప్పుడు రెమ్యూనరేషన్ పెంచాను: కమల్ హాసన్
‘భారతీయుడు’లో తాను భాగం కావాలని అనుకోలేదని కమల్ హాసన్ చెప్పారు. తాజాగా ‘భారతీయుడు 2’ మూవీ టీమ్ మీడియాతో ముచ్చటించింది. -
ఆయన్ని చూస్తే అసూయగా ఉండేది: నాగార్జున
గేయ రచయిత సిరివెన్నెల సీతారామశాస్త్రితో ఉన్న అనుబంధాన్ని అగ్ర కథానాయకుడు నాగార్జున గుర్తుచేసుకున్నారు. -
ప్రభాస్ అభిమానులు నన్ను క్షమించాలి: అమితాబ్ బచ్చన్
తాజాగా ‘కల్కి’ చిత్రబృందం ఓ ఇంటర్వ్యూలో పాల్గొంది. ఇందులో అమితాబ్ మాట్లాడుతూ ప్రభాస్ అభిమానులు తనని క్షమించాలని కోరారు. ఎందుకంటే.. -
నువ్వలా చేస్తే.. అమితాబ్ నేనూ చేస్తానన్నారు: ప్రభాస్
ప్రభాస్ హీరోగా తెరకెక్కిన సైన్స్ ఫిక్షన్ మూవీ ‘కల్కి 2898 ఏడీ’. ఈ సినిమా ప్రీ రిలీజ్ ఈవెంట్ ముంబయిలో జరిగింది. -
‘పుష్ప 2’ని తిరస్కరించారా?: విజయ్ సేతుపతి సమాధానమేంటంటే
విజయ్ సేతుపతి 50వ చిత్రం ‘మహారాజ’. ఈ నెల 14న విడుదలైంది. ‘థ్యాంక్ యూ మీట్’లో పాల్గొన్న సేతుపతికి ‘పుష్ప 2’పై ప్రశ్న ఎదురవగా స్పందించారు. -
‘కన్నప్ప’ను కృష్ణంరాజు ప్రభాస్తో చేద్దామనుకున్నారు.. కానీ: మోహన్బాబు
మంచు విష్ణు నటిస్తోన్న ‘కన్నప్ప’ టీజర్ తాజాగా విడుదలైంది. ఈసందర్భంగా మీడియాతో టీమ్ ముచ్చటించింది. -
నటుడిగా నేనెప్పుడూ ఫెయిల్ కాలేదు!
జయాపజయాలతో సంబంధం లేకుండా వైవిధ్యభరితమైన కథలతో ప్రయాణం చేస్తూ వస్తున్నారు కథానాయకుడు సుధీర్బాబు. -
విన్న కథలు 500.. చేసింది 50
పాత్రలో జీవించడం ఎలాగో తెలిసిన నటుడు విజయ్ సేతుపతి. అందుకే ఆయన నటించిన సినిమాలు చూస్తే తెరపై పాత్రే కనిపిస్తుంది తప్ప, ఆయన కనిపించడు. ఒకవైపు కథానాయకుడిగా నటిస్తూనే... మరోవైపు అగ్ర తారల సినిమాల్లో కీలక పాత్రల్లో ఒదిగిపోతుంటారు.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
మా బంధం ఎంతో స్పెషల్: కొత్త కోచ్ గంభీర్పై స్కై వ్యాఖ్యలు
-
సౌదీ అరేబియాలో దుర్భర జీవితం.. బాధితుడిని కాపాడిన మంత్రి లోకేశ్
-
అగ్నిపథ్ పథకంపై విపక్షాల విమర్శలు.. ఖండించిన మోదీ
-
మెక్సికన్ డ్రగ్ లార్డ్ ఇస్మాయిల్ ‘ఎల్ మాయో’ జంబాడ అరెస్ట్
-
26 మంది హత్య.. మృతదేహాలను నదిలోకి ఈడ్చుకెళ్లిన మొసళ్లు..!
-
2034 నాటికి అలాంటి ఉద్యోగాలు ఉండవ్.. లింక్డిన్ వ్యవస్థాపకుడి అంచనా!