Akshay Kumar: మే9 నుంచి పృథ్వీరాజ్‌ పోరు

బాలీవుడ్‌లో తెరకెక్కుతున్న భారీ పీరియాడికల్‌ చిత్రం ‘పృథ్వీరాజ్‌’. అక్షయ్‌ కుమార్‌ కథానాయకుడు. అతడి సరసన మానుషి ఛిల్లర్‌ నటిస్తోంది. సంజయ్‌ దత్‌, సోనూసూద్‌ ప్రధాన పాత్రల్లో కనిపించనున్నారు. చంద్రప్రకాశ్‌ ద్వివేది దర్శకత్వం వహిస్తున్న ఈ చిత్రాన్ని యశ్‌రాజ్‌ ఫిల్మ్స్‌ పతాకంపై ఆదిత్య చోప్రా నిర్మిస్తున్నారు. బీ టౌన్‌ వర్గాల కథనం ప్రకారం ఈ చిత్ర ట్రైలర్‌ మే 9న విడుదల కానుంది. ఆ రోజు చిత్రబృందంతో నిర్వహించనున్న భారీ కార్యక్రమంలో ఈ   ట్రైలర్‌ను ప్రదర్శిస్తారని సమాచారం. కొవిడ్‌ కారణంగా ఆలస్యమైన ఈ సినిమా జూన్‌ 3న ‘పృథ్వీరాజ్‌’ యుద్ధ సాహసాలను మన ముందుకు తీసుకురానుంది.