Ranveer Deepika: దీపిక-రణ్‌వీర్‌ లిప్‌లాక్‌.. పిక్‌ వైరల్‌

సతీమణిని ప్రశంసిస్తూ నటుడు పోస్ట్‌

ముంబయి: వివాహం అనంతరం కూడా వరుస సినిమాల్లో నటిస్తూ ప్రేక్షకుల్ని అలరిస్తున్నారు నటి దీపికా పదుకొణె. ఆమె ప్రధాన పాత్రలో నటించిన సరికొత్త చిత్రం ‘గెహ్రాహియా’. షకున్‌ బత్రా దర్శకత్వం వహించిన ఈ రొమాంటిక్‌ ప్రేమకథా చిత్రం శుక్రవారం అమెజాన్‌ ప్రైమ్‌ వేదికగా ప్రేక్షకుల ముందుకు వచ్చి విజయం అందుకుంది. ఈ సినిమాలో దీపిక నటన అద్భుతంగా ఉందంటూ అందరూ మెచ్చుకుంటున్నారు.

‘గెహ్రాహియా’ సక్సెస్‌పై దీపిక భర్త, నటుడు రణ్‌వీర్‌ సింగ్‌ కూడా ఆనందం వ్యక్తం చేశాడు. దీపికను చూస్తుంటే గర్వంగా ఉందంటూ ట్వీట్‌ చేశాడు. దీపికను ప్రేమగా ముద్దాడుతున్న ఓ ఫొటోను ఆయన సోషల్‌మీడియా వేదికగా షేర్‌ చేస్తూ.. ‘‘అత్యద్భుతం.. ఈ సినిమాలో నీ ప్రదర్శన మాస్టర్‌క్లాస్‌ బేబీ..! నీ ప్రదర్శన హృదయాన్ని హత్తుకునేలా సాగింది. నువ్వు నీ బెస్ట్‌ ఇచ్చావు. నువ్వు నన్ను గర్వపడేలా చేశావ్‌’’ అని పొగిడాడు. ప్రస్తుతం ఈ జంట ఫొటో నెట్టింట వైరల్‌గా మారింది.

నవతరం ప్రేమ కథతో రూపుదిద్దుకున్న ఈ సినిమాలో అనన్యపాండే, సిద్ధాంత్‌ చతుర్వేది కీలకపాత్రలు పోషించారు. దీపిక సోదరి పాత్రలో అనన్య నటించగా.. ఆమెకు కాబోయే భర్తగా సిద్ధాంత్‌ మెప్పించారు. పరిస్థితుల కారణంగా సోదరి పెళ్లి చేసుకోబోయే వ్యక్తితో దీపిక ప్రేమలో పడటం.. అతడితో జీవితాన్ని పంచుకోవాలని అనుకోవడం.. ఈ విషయం సోదరికి తెలియడం వంటి ఆసక్తికర అంశాలతో ఈ సినిమా రూపుదిద్దుకుంది.