Venkatesh: ఘనంగా వెంకటేశ్‌ కుమార్తె వివాహం

ఇంటర్నెట్‌ డెస్క్‌: టాలీవుడ్‌ హీరో వెంకటేశ్‌ (Venkatesh) ఇంట పెళ్లి బాజాలు మోగాయి. ఆయన రెండో కుమార్తె హయవాహిని (Hayavahini)తో విజయవాడకు చెందిన ఓ డాక్టర్‌ కుమారుడు నిశాంత్‌తో (Nishanth) వివాహం ఘనంగా జరిగింది. కుటుంబ సభ్యులు, సన్నిహితుల సమక్షంలో రామానాయుడు స్టూడియోలో పెళ్లి జరిపించారు. ఈ వేడుకకు సంబంధించిన ఫొటోలు సామాజిక మాధ్యమాల్లో చక్కర్లు కొడుతున్నాయి.   

గతేడాది అక్టోబర్‌లో నిశాంత్‌, హయవాహినిల నిశ్చితార్థం జరిగింది. ఆ వేడుకకు చిరంజీవి, మహేశ్‌ బాబు, రానా, నాగచైతన్య హాజరై కాబోయే వధూవరులను ఆశీర్వదించారు. వెంకటేశ్‌, నీరజ దంపతులకు నలుగురు సంతానం. ఆశ్రిత, హయవాహిని, భావనతో పాటు కుమారుడు అర్జున్ ఉన్నారు. పెద్ద కుమార్తె పెళ్లి 2019లో జరిగింది. ప్రస్తుతం ఆమె విదేశాల్లో ఉంటున్నారు.