దుబాయిలో ఘనంగా గాంధీ జయంతి వేడుకలు

దుబాయి: భారత జాతిపిత మహాత్మా గాంధీ  జయంతి వేడుకలు దుబాయిలో ఘనంగా జరిగాయి. ప్రపంచానికి శాంతి, అహింసా మార్గం చూపిన మహాత్ముడి జయంతి వేడుకల్ని యూఏఈలో సింగిరి అండ్ కో ఆడిట్ ఫర్మ్‌లో ప్రవాసాంధ్రులు నిర్వహించారు. గాంధీజీ పుట్టిన దేశంలో తామంతా జన్మించడం గర్వకారణమంటూ కేకు కోసి సంబరాలు చేసుకున్నారు. ఈ సందర్భంగా నిర్వాహకులు మాట్లాడుతూ..  గాంధీజీ పుట్టిన దేశంలో తాము జన్మించడం గర్వకారణమన్నారు. ప్రపంచ దేశాలకు శాంతి, అహింసా మార్గాన్ని చూపిన మహనీయుడి జయంతిని దుబాయిలో నిర్వహించుకోవడం భారతీయులుగా గర్వపడుతున్నామని చెప్పారు. కుల, మత, వర్గ రహితంగా ప్రజల్ని ఏకం చేసి స్వాతంత్ర్య సాధనకు పరుగులు పెట్టించిన గొప్పమానవతావాది అని, ఆయన చెప్పే మాట, వేసే ప్రతి అడుగు ఆచరణీయమంటూ కొనియాడారు. దుబాయిలో తొలిసారి మహాత్ముడి జయంతి వేడుకలు జరపడం ఆనందంగా ఉందన్నారు. ఈ కార్యక్రమంలో ప్రవాసీయులు డాక్టర్‌ ముక్కు తులసీ కుమార్‌, సింగిరి రవి కుమార్, కసారం రమేష్, గరగపర్తి రాంకీ, తడివాక రమేష్ నాయుడు,  కోడి రవికిరణ్, గోపి బర్మా తదితరులు పాల్గొన్నారు.