TDP Kuwait: ఎన్‌ఆర్‌ఐ తెదేపా కువైట్ ఆధ్వర్యంలో ఘనంగా లోకేశ్‌ జన్మదిన వేడుకలు

ఇంటర్నెట్‌డెస్క్‌: తెదేపా జాతీయ ప్రధాన కార్యదర్శి నారా లోకేశ్‌ పుట్టినరోజు వేడుకలను కువైట్‌లో ఘనంగా నిర్వహించారు. ఎన్‌ఆర్‌ఐ తెదేపా కువైట్‌ ఆధ్వర్యంలో ఫర్వానియా ప్రాంతాంలో అధ్యక్షుడు మద్దిన ఈశ్వర్‌నాయుడు ఆధ్వర్యంలో లోకేశ్‌ జన్మదిన వేడుకలు జరిగాయి. ఈ కార్యక్రమానికి పెద్ద ఎత్తున తెదేపా నేతలు, కార్యకర్తలు, నారా, నందమూరి అభిమానులు తరలివచ్చారు. ఈ సందర్భంగా కేక్‌ కట్‌ లోక్‌శ్‌కు శుభాకాంక్షలు తెలిపారు. 

గల్ఫ్‌ ఎంపవర్‌మెంట్‌ కో-ఆర్డినేటర్‌ కుదరవల్లి సుధాకరరావు, కువైట్‌ గల్ఫ్‌ కౌన్సిల్‌ మెంబర్‌ కోడూరి వెంకట్‌, కువైట్‌లో తెదేపా సీనియర్‌ నేతలు ఎనిగళ్ల బాలకృష్ణ, కువైట్‌లోని కార్యవర్గ సభ్యులు, ఉపాధ్యక్షుడు రహమతుల్లా, షేక్‌ బాషా, ప్రధాన కార్యదర్శి వేగి వెంకటేశ్‌ నాయుడు, గవర్నరేట్‌ కో-ఆర్డినేటర్స్‌ ఈడుపుగంటి దుర్గా ప్రసాద్‌, ముస్తాక్‌ఖాన్‌, తెలుగు యువత అధ్యక్షుడు కాపెర్ల వంశీకృష్ణ, నరేష్‌ నన్నపనేని, మైనార్టీ నాయకులు షేక్‌ చాన్‌ బాషా, చిన్నా రాజు, మల్లికార్జున యాదవ్‌, మంచూరి శివ, కొల్లి ఆంజనేయులు, గుండయ్య నాయుడు, శివ మద్దిపట్ల, షేక్‌ అర్షద్‌ తదితరులు పాల్గొన్నారు. మరోవైపు లోకేశ్‌ ‘యువగళం’ పాదయాత్రకు మద్దతుగా కువైట్‌లోనూ పాదయాత్ర నిర్వహిస్తామని.. దీనికి సంబంధించిన కార్యాచరణ రూపొందిస్తున్నామని నేతలు తెలిపారు.