మునుగోడులో పోటీ చేస్తాం

భూనిర్వాసితుల నిర్ణయం

మర్రిగూడ, న్యూస్‌టుడే: తమ సమస్యలు పరిష్కరించడంలో ప్రభుత్వం నిర్లక్ష్యం చేయడంతో త్వరలో జరిగే మునుగోడు ఉప ఎన్నికలో పోటీ చేయడానికి నల్గొండ జిల్లా మర్రిగూడ మండలం చర్లగూడెం జలాశయం పరిధిలోని ముంపు గ్రామస్థులు సిద్ధమవుతున్నారు. ఈ జలాశయం పరిధిలో మర్రిగూడెం మండలంలోని చర్లగూడెం, నర్సిరెడ్డిగూడెం వెంకేపల్లి, వెంకేపల్లి తండా గ్రామాలు ముంపునకు గురవుతున్నాయి. ఈ గ్రామాల నుంచి  వంద మందికి పైగా ఉప పోరుకు పోటీ చేయాలని నిర్ణయించారు. ఈమేరకు వారంతా బుధవారం చర్లగూడెంలోసమావేశమై చర్చించుకున్నారు. నోటిఫికేషన్‌ వచ్చిన వెంటనే నామినేషన్లు వేయాలని నిర్ణయించుకున్నారు.