వైట్‌హెడ్స్‌ వదలవా?
close
Updated : 25/11/2021 06:01 IST

వైట్‌హెడ్స్‌ వదలవా?

కొందరికి వైట్‌హెడ్స్‌ బెడద కాలంతో నిమిత్తం లేకుండా వెంటాడుతూనే ఉంటుంది. వీటిని తగ్గించడానికి, అసలు రాకుండా ఉండేందుకు ఏం చేయాలి?

చర్మం శుభ్రంగా ఉంచుకుంటే ఈ సమస్య బాధించదు. కాబట్టి, చలికి వెరవకుండా రోజుకు రెండుసార్లు తప్పక క్లెన్సింగ్‌ చేసుకోవాలి. తక్కువ గాఢత ఉండే ఉత్పత్తులనే వాడాలి. మరీ ఎక్కువ వేడిని కాకుండా గోరువెచ్చని నీటినే స్నానానికి ఉపయోగించాలి.
మృతకణాలు, వైట్‌హెడ్స్‌ను తొలగించుకోవడానికి స్క్రబ్‌ మంచి పరిష్కారమే! వారానికి రెండుసార్లు తప్పక చేస్తే ఫలితముంటుంది. మరీ బరకగా ఉండేవి మాత్రం ఎంచుకోవద్దు.
బయటికి వెళ్లే ప్రతిసారీ సన్‌స్క్రీన్‌ లోషన్‌ తప్పనిసరి. దీనికీ వైట్‌హెడ్స్‌కీ ఏంటీ సంబంధం అనుకోవద్దు. సన్‌స్క్రీన్‌ వీటికి నిరోధకంగా పని చేస్తుందట.
కేశాల సంరక్షణకు ఉపయోగించే ప్రొడక్ట్స్‌ ముఖంపై పడకుండా జాగ్రత్త తీసుకోవాలి. ఇవీ వైట్‌హెడ్స్‌కు కారణమవుతాయంటున్నారు నిపుణులు. మొబైల్‌, దిండ్లు, సన్‌గ్లాసెస్‌.... తరచూ వాడే ఇలాంటి వస్తువులపై నూనె, దుమ్ము, బ్యాక్టీరియా చేరిపోతుంది. కాబట్టి వీటినీ ఎప్పటికప్పుడు శుభ్రం చేస్తూ ఉండాలి.  మేకప్‌ అలవాటున్న వారు.. ఆయిల్‌ ఫ్రీ సౌందర్య ఉత్పత్తులకు ప్రాధాన్యమివ్వాలి. వాడిన ప్రతిసారీ మేకప్‌ సామాగ్రిని శుభ్రం చేయాలి. వాటిని ఇతరులతో పంచుకోవద్దు. అలాగే పడుకునే ముందు మేకప్‌ను తప్పక తొలగించుకోవాలి. ఈ జాగ్రత్తలు పాటిస్తుంటే వైట్‌హెడ్స్‌కు దూరంగా ఉండొచ్చు.

 


Advertisement


మరిన్ని

తమ్మూ బ్యూటీ సీక్రెట్స్ ఏంటో తెలుసా? 

ఉదయం లేవగానే కళ్లన్నీ వాచిపోయి, గాలిబుడగలా పఫ్ఫీగా తయారైన ముఖాన్ని చూసుకుంటే ఎక్కడలేని నిరుత్సాహం ఆవహిస్తుంది. ముందు రోజు పని ఒత్తిడి, నిద్రలేమి, తీసుకున్న ఆహారం.. తదితర కారణాల వల్ల ఈ సమస్య చాలామందిలో సహజమే! అయితే దీన్ని వదిలించుకోవాలంటే తానో సింపుల్‌ చిట్కాను పాటిస్తానంటోంది మిల్కీ బ్యూటీ తమన్నా. ఈ టిప్‌ అద్భుతంగా పనిచేస్తుందని స్వీయానుభవంతో చెబుతున్నానంటూ ఆ వీడియోను సైతం తాజాగా ఇన్‌స్టాలో పోస్ట్‌ చేసింది. ఇప్పుడనే కాదు.. సందర్భం వచ్చినప్పుడల్లా, సోషల్‌ మీడియాలో తన సౌందర్య రహస్యాల్ని పంచుకుంటూ అమ్మాయిలందరికీ బ్యూటీ పాఠాలు నేర్పుతుంటుంది తమ్మూ.

తరువాయి