AP News: జగన్‌ మోసానికి బలైన యువత.. ఉపాధి కోసం పొరుగు రాష్ట్రాలకు వలస

ఉద్యోగం కోసం నువ్వెళ్లేది ఎక్కడికి..? తెలంగాణా? కర్ణాటకా? తమిళనాడా? ఇది ఏపీలోని విద్యా సంస్థల్లో బీటెక్‌, డిగ్రీ చివరి ఏడాది చదివే విద్యార్థుల్లో ఏ ఇద్దరు కలిసినా ఎదురవుతున్న ప్రశ్న. జగన్‌ హయాంలో ఏపీ దుస్థితికిది నిలువుటద్దం. నోటిఫికేషన్ల మాయ చేసి, ప్రైవేటు కంపెనీలను తరిమేసి, నైపుణ్యాభివృద్ధి నిలిపేసి యువతను నిరుద్యోగులుగా మార్చేశారు. ఉపాధి వెతుక్కుంటూ పొరుగు రాష్ట్రాలకు వలస వెళ్లే పరిస్థితి కల్పించారు. ఏపీలో ఉద్యోగాలంటే ఏ మాల్స్‌లోనో, చిన్న కార్ఖానాల్లోనో పనులు చేసుకునే దుస్థితిలోకి నెట్టారు.