ముంపు నుంచి రక్షణగా.. మున్నేరుకు ఇరువైపులా కాంక్రీటు గోడలు: ప్రభుత్వం

మున్నేరు ముంపు నుంచి ఖమ్మం (Khammam) నగరాన్ని కాపాడేందుకు నదికి ఇరువైపులా ఆర్సీసీ కాంక్రీటు గోడలు నిర్మించాలని ప్రభుత్వం నిర్ణయించింది. ఇటీవల మున్నేరుకు భారీగా వరద రావడంతో ఖమ్మంకు ఆనుకుని ఉన్న పలు కాలనీలు ముంపుకు గురయ్యాయి. మంత్రి పువ్వాడ అజయ్ సహాయక చర్యల్లో పాల్గొని సమస్యను పరిశీలించారు. ముంపు సమస్యను పూర్తిస్థాయిలో పరిష్కరించేందుకు అవసరమైన ప్రతిపాదనలను ప్రభుత్వానికి సమర్పించారు.