Sat, February 13, 2016

Type in English and Give Space to Convert to Telugu

'ప్యాకేజీ ఇవ్వండి''విలీనమా.. అనర్హతా?''అదనపు పనులన్నీ పాత గుత్తేదారులకే''భారతమాతను కించపరిస్తే సహించం''‘తెలంగాణ బ్రాండ్‌’ పేరుతో అమ్మకాలు''శాశ్వత ఉత్సవంగా మేడారం జాతర''కేంద్ర బడ్జెట్‌లో వ్యవసాయం''విలీన లేఖపై ఏమి చేయాలి?''వీరసేనానికి కన్నీటి వీడ్కోలు''అమ్మతనానికి అండ'
2 కేబినెట్‌, 2 సహాయం
కేంద్ర కేబినెట్‌లో తెదేపా వాటాపై అంచనాలు
కేబినెట్‌ మంత్రిగా అశోక్‌ గజపతికి అవకాశం
తెలంగాణ తెదేపాకు ఒక మంత్రి పదవి
పార్లమెంటరీ పార్టీ నేతగా సీనియర్‌
ఎంపీ లేదా రాజ్యసభ సభ్యుల్లో ఒకరు
నేదురుమల్లి స్థానంలో రాజ్యసభ ఎవరికి?
ఈనాడు - హైదరాబాద్‌
కేంద్రంలోని ఎన్డీయే ప్రభుత్వంలోనూ చేరనున్న తెలుగుదేశం పార్టీకి రెండు కేబినెట్‌, రెండు సహాయ మంత్రుల పదవులు వచ్చే అవకాశాలున్నాయని అంటున్నారు. ఈ నాలుగింటిలో మూడు సీమాంధ్రకు, ఒకటి తెలంగాణకు తీసుకోవచ్చని చెప్తున్నారు. ఇప్పటి వరకూ దీనిపై నరేంద్ర మోడీ-చంద్రబాబులు మాట్లాడుకోనప్పటికీ పార్టీ నేతలు కొందరు ఇలా అంచనా వేస్తున్నారు. గతంలో 1999లో ఎన్డీయే ప్రభుత్వానికి మద్దతిచ్చినప్పుడు తెలుగుదేశం పార్టీకి 8 కేంద్ర మంత్రి పదవుల వరకూ ఇస్తానన్నా... ఆ రోజు తీసుకోలేదు. రాష్ట్రానికి కావాల్సిన పనులపైనే దృష్టి పెట్టారు. అయితే ఇప్పుడు సీమాంధ్రను పునాది నుంచి నిర్మించే పనిలో ఉపయోగపడేందుకు కేంద్రంలోనూ మంత్రి పదవులు తీసుకోవాలని నిర్ణయించారు. భాజపా కూడా కేంద్రంలో ఏర్పడేది ఎన్డీయే ప్రభుత్వమని చెప్తోంది. మరోవైపు తెలుగుదేశం పార్లమెంటరీ పార్టీ నాయకుడిగా ఎవరిని ఎన్నుకోనున్నారనేది ఆసక్తికరంగా మారింది. మొన్నటివరకు పార్లమెంటరీ పార్టీ నేతగా ఉన్న నామా నాగేశ్వర్‌రావు ఓటమి పాలవడంతో ఆ స్థానాన్ని భర్తీ చేయాల్సి ఉంది. రాజ్యసభా పక్ష నేతగా తెలంగాణకు చెందిన దేవేందర్‌గౌడ్‌ ఉన్నారు. పార్లమెంటరీ పార్టీ నేతగా ఆంధ్రప్రదేశ్‌కు చెందిన సీనియర్‌ ఎంపీనే ఎన్నుకోనున్నారు. లోక్‌సభ నుంచా, రాజ్యసభ నుంచా అన్నది తేలాల్సి ఉంది. సీనియర్‌ నేత, విజయనగరం లోక్‌సభ నియోజకవర్గం నుంచి గెలిచిన అశోక్‌ గజపతిరాజుకు కేంద్ర కేబినెట్‌ మంత్రి పదవి దక్కే అవకాశం ఉంది. మిగతా ఎంపీల్లో మంత్రులుగా ఎవరెవరికి అవకాశం ఉండొచ్చనే అంశంపైనా చర్చ జరుగుతోంది. రాజమండ్రి ఎంపీ మురళీమోహన్‌, మచిలీపట్నం ఎంపీ కొనకళ్ల నారాయణ, చిత్తూరు ఎంపీ శివప్రసాద్‌, హిందూపురం ఎంపీ నిమ్మల కిష్టప్పల్లో కొందరికి అవకాశం ఉండొచ్చు. తూర్పు గోదావరి, పశ్చిమ గోదావరి జిల్లాల్లో తెలుగుదేశం పార్టీకి బ్రహ్మాండమైన విజయాలు రావడంతో ఈ రెండు జిల్లాలు కలిసిన లోక్‌సభ నియోజకవర్గం రాజమండ్రికి ప్రాతినిధ్యం వహిస్తున్న మురళీ మోహన్‌ను మంత్రివర్గంలోకి తీసుకునే అవకాశాలు ఉన్నాయంటున్నారు. కొనకళ్ల నారాయణ, శివప్రసాద్‌, నిమ్మల కిష్టప్పలు సీనియర్‌ ఎంపీలుగా ఉన్నారు. రెండేసి సార్లు వరుసగా గెలిచారు. ఇక రాజ్యసభ సభ్యుల్లోనూ ఒకరిని మంత్రివర్గంలో తీసుకునే అవకాశాలు ఉన్నాయంటున్నారు. సీమాంధ్రకు సంబంధించి సుజనా చౌదరి, సీఎం రమేష్‌లు రాజ్యసభకు ప్రాతినిధ్యం వహిస్తున్నారు. వీరిలో సుజనా చౌదరికి అవకాశం ఉందని అంటున్నారు. సీఎం రమేష్‌ పేరు కూడా పరిశీలనకు వచ్చే అవకాశాలుంటాయి. మరోవైపు తెలంగాణ నుంచి ఒకే ఒక లోక్‌సభ ఎంపీ ఉన్నారు. ఆయన తొలిసారి గెలిచారు. ఇక్కడి నుంచి కూడా రాజ్యసభ సభ్యుల్లో ఒకరికి కేంద్రమంత్రిగా అవకాశం ఉండొచ్చని అంటున్నారు.

నేదురుమల్లి స్థానంలో రాజ్యసభ అవకాశం తెదేపాకే
మరోవైపు ఇటీవల మరణించిన రాష్ట్ర మాజీ ముఖ్యమంత్రి, కాంగ్రెస్‌ పార్టీ రాజ్యసభ సభ్యుడు నేదురుమల్లి జనార్దన్‌రెడ్డి స్థానంలో మరొకరిని ఎన్నుకునేందుకు ఉప ఎన్నికలు జరుగుతాయి. ఆయన పదవీకాలం ఇంకా రెండేళ్లు ఉంది. దీంతో ఈ రెండేళ్లకు ఇప్పుడు ఎన్నికయ్యే వారు పదవిలో ఉంటారు. అయితే ఇప్పుడు ఎన్నికయ్యే నేతనే... ఈ రెండేళ్ల కాలంతో పాటు, మరో పర్యాయం కూడా ఎన్నుకునే అవకాశాలున్నాయి. దీంతో తెలుగుదేశం పార్టీలో దీనికి విపరీతమైన పోటీ ఏర్పడింది. గత రెండు, మూడు పర్యాయాల నుంచి పోటీలో ఉన్న కంభంపాటి రామ్మోహన్‌రావు, శాసనసభ ఎన్నికల్లో ఓటమిపాలైన సీనియర్‌ నేత సోమిరెడ్డి చంద్రమోహన్‌రెడ్డి, పార్టీకి తెరవెనక సేవలందరించిన నారాయణ విద్యా సంస్థల అధినేత నారాయణ తదితరులు ఈ పదవికి పోటీలో ఉండనున్నారు. నెల్లూరు రూరల్‌ అయితే తాను తేలిగ్గా గెలిచే వాడినని, చివరిలో తనను సర్వేపల్లికి పంపారని సోమిరెడ్డి సన్నిహితులతో చెబుతున్నారు. ఒకవేళ ఓడినా తనకు ప్రత్యామ్నాయ అవకాశం ఇస్తానని అధినేత చెప్పారని అంటున్నట్లు సమాచారం. పలువురు ఇతర నేతలు కూడా ఈ పోటీలోకి వచ్చే అవకాశాలున్నాయి.

మా వూరికి మంచి నీళ్లు...

బాగా ఆస్తిపాస్తులున్న వాళ్లని శ్రీమంతులంటారు.మహేశ్‌బాబు నటించిన ‘శ్రీమంతుడు’ చూశాక ఆ అర్థం మారిపోయిందనే చెప్పవచ్చు. ఎక్కడ పెరిగినా, స్థిరపడినా సొంతూరి...

ప్రేమలు మెరిసే.. తారలు మురిసే!

ప్రేమ ఓ అనీర్వచనీయమైన అనుభూతి. ప్రేమలో పడితేనే దాని మాధుర్యం ఏంటో తెలిసేది. నిజ జీవితాల్లోనే కాదు వెండితెరపైనా ప్రేమ అద్భుతమైన విజయాలు అందించింది....

 
 
 
 
 
Copyright © 2014 Ushodaya Enterprises Pvt. Ltd., All Rights Reserved.
For Digital Marketing enquiries contact 9000180611 or Mail :Marketing@eenadu.net