పాకిస్తాన్‌ గూండాగిరి

తాజావార్తలు

పాకిస్తాన్‌ గూండాగిరి
సినిమాలు వినోద సాధనాలు. అవేం న్యాయస్థానాలు కావు. ‘బజరంగి భాయిజాన్‌’ సినిమాలో ఒక మూగ బాలిక తల్లిదండ్రుల నుండి తప్పిపోయి పాకిస్తాన్‌ చేరుకుంటుంది. బజరంగి అనే ఒక హనుమాన్‌ భక్తుడు చొరవతీసుకొని ఆ బాలికను భారత్‌లో తల్లిదండ్రుల వద్దకు చేరుస్తాడు. సల్మాన్‌ఖాన్‌ సొంతంగా నిర్మించిన ఈ సినిమాకు దర్శకుడు కబీర్‌ఖాన్‌. పాకిస్తాన్‌ మార్కెటింగ్‌ అసోసియేషన్‌ ఆహ్వానంపై వార్షిక సదస్సులో మాట్లాడేందుకు ఈ దర్శకుడు ఇటీవల పాకిస్తాన్‌ వెళ్ళాడు. అతడు లాహోర్‌ వెళ్లేందుకు కరాచీ విమానాశ్రయంలో వుండగా, కొందరు పాకిస్తానీ దుండగులు కబీర్‌ఖాన్‌కు వ్యతిరేకంగా నినాదాలు చేస్తూ, బూట్లు విసురుతూ అడ్డుకున్నారు. ‘‘పాకిస్తాన్‌లో ఉగ్రవాద జాడలు కనిపెట్టి భారత్‌కు హెచ్చరికలు పంపించే ‘రా’ (రిసెర్చ్‌ అనాలిసిస్‌ వింగ్‌) విభాగం మీద సినిమాలు తీయవచ్చు కదా. ఆ విభాగపు అధిపతి కులభూషణ్‌ జాదవ్‌ మాదేశానికి వచ్చి కొన్ని వందలమందిని పొట్టన పెట్టుకున్నాడు. అందుకే మా వాళ్ళు అతణ్ణి అరెస్టు చేశారు. దీనిని సినిమాగా మలచవచ్చుగా’’ అంటూ గేలి చేస్తూ తిట్లపురాణం లంకించుకున్నారు. ‘‘పాకిస్తాన్‌ సైనికుల మీద మీరంతా కుట్ర పన్నుతున్నారు’’ అంటూ మరొక పాకిస్తాన్‌ ప్రయాణీకుడు విమానాశ్రయ లాంజ్‌లో కబీర్‌ ఖాన్‌పై బూటు విసిరే ప్రయత్నం చేశాడు. కబీర్‌ ట్వీట్‌ చేస్తూ ‘‘డజను మంది ఉన్మాదులు కేకలు పెడితే అది వార్త ఎలా అవుతుంది’’ అంటూ వాతపెట్టాడు. పాకిస్తాన్‌లో భారతీయ సినిమాలకు మంచి గిరాకీ వుంది. కబీర్‌ ఖాన్‌ సినిమా ‘‘బజరంగి భాయిజాన్‌’’ ఆ దేశంలో బాగా ఆడింది. అతని దర్శకత్వంలోనే 26/11 ముంబై అల్లర్ల నేపథ్యంలో తీసిన ‘‘ఫాంతమ్‌’’ సినిమా కూడా వచ్చింది.
FileName

  • FileName
మరిన్ని
FileName
FileName

  • FileName
మరిన్ని
FileName

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని
జిల్లా వార్తలు

దేవ‌తార్చ‌న

రుచులు

© 1999- 2016 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.