స్వామీజీ టమోటా ము‘ఠా’!

తాజావార్తలు

స్వామీజీ టమోటా ము‘ఠా’!
లక్షల మంది మాధ్యమిక విద్యావిభాగ విద్యార్థుల ఉసురు పోసుకున్న ప్రశ్నపత్రాల లీకువీరుడిని సీఐడీ రక్షకులు వలపన్ని పట్టుకున్నారు. రహస్య స్థావరాలను బద్ధలుకొట్టి.. గుడుపుఠాణీలను ఛేదించి.. ఉద్యానంలో నక్కిన నిందితుడికి గాలం వేసి ఫలితం సాధించారు. రసాయనశాస్త్ర రెండో సంవత్సర ప్రశ్నపత్రాన్ని అంగడిసరుకుగా మార్చి.. విద్యార్థిలోకానికి నిద్ర కరవు చేసిన శివకుమారస్వామి నేతృత్వంలోని ముఠా కటకటాలపాలయ్యింది.

ఈనాడు- బెంగళూరు
* టమోట..టమోట.. కిలో వెల రూ.150 మాత్రమే..
* ఓహో.. అలాగా ధర బాగానే పెంచేశారే.. బాగున్నారా..
* ఈరకంగా.. చరవాణిలో సంభాషణ ప్రారంభమయ్యిందంటే.. అవసరమైన వ్యక్తి అటువైపు ఉన్నట్లే లెక్క. మాధ్యమిక విద్య (పీయూసీ) రసాయనశాస్త్ర ప్రశ్నాపత్రాన్ని అంగడి సరుకుగా మార్చేసిన శివకుమారస్వామి అలియాస్‌ స్వామీజీ ఇన్నాళ్లూ గుర్తుతెలియని ఫోన్ల నుంచి తన మిత్రులతో మాట్లాడేందుకు ఎంచుకున్న మార్గమిదీ. టమోటాల ధర చెప్పాడంటే.. అటువైపు స్వామీజీ లైన్‌లో ఉన్నట్లే లెక్కని గుర్తించిన సీఐడీ అధికారులు ఎట్టకేలకు ఆ నిందితుడిని పట్టి కటకటాల వెనక్కినెట్టారు. ప్రశ్నపత్రాల లీక్‌ కేసులో అత్యంత కీలక పాత్రధారి శివకుమార్‌- అజ్ఞాతంలో కొనసాగిన ఆయన అనూయాయులు హాయిగా మాట్లాడుకునేందుకు అనుసరించిన రహస్య, సాంకేతిక భాష అత్యంత ఆసక్తికరం. శివకుమార స్వామి తన శిష్యులకు ఫోన్‌ చేసిన వెంటనే ‘టమోట టమోట’ అనేవాడు. అటువైపు వ్యక్తి చుట్టుపక్కల అనుమానాస్పద పరిస్థితులు లేకుంటే ప్రతిస్పందించేవాడు. ‘కిలో ధర రూ.150’ అన్నారంటే సంభాషణ కొనసాగించవచ్చనే అర్థం. ఆపై ఉభయుల మధ్య నిరాటంకంగా సంభాషణ సాగిపోయేది. ప్రస్తుత స్థితిగతులు భవిష్యత్తు ఎత్తుగడల్ని మాట్లాడుకునేవారు.

* శివకుమార్‌ (67)ను నగర శివార్లలోని గారేబావి పాళ్యలో నిర్మిస్తున్న ఒక ఇంటిలో సోమవారం రాత్రి పదిన్నర గంటల సమయంలో అరెస్టు చేసినట్లు సీఐడీ డైరెక్టర్‌ జనరల్‌ కిశోరచంద్ర ప్రకటివంచారు. ఆయన మంగళవారం మధ్యాహ్నం తన కార్యాలయంలో ఏర్పాటు చేసిన కిక్కిరిసిన విలేకరుల సమావేశంలో మాట్లాడారు. ఇప్పటి వరకూ ఈ కేసుల్లో అరెస్టయిన వారి సంఖ్య 12కు పెరిగింది. శివకుమార్‌కు అన్ని విధాలా సహకరిస్తున్న ఆయన కుమారుడు దినేశ్‌, మరో నిందితుడు కుమారస్వామి అలియాస్‌ కిరణ్‌ కోసం గాలిస్తున్నామని ఒక ప్రశ్నకు సమాధానంగా కిశోర్‌చంద్ర చెప్పారు. స్వామీజీ నుంచి రూ.50 వేల నగదు స్వాధీనం చేసుకున్నారు. దాన్ని తన తరఫు న్యాయవాదులకు ఫీజుగా చెల్లించేందుకు దాచుకున్నట్లు చెప్పారు.

మారు పేర్లు ఎన్నెన్నో..
నిందితుడు అసలు పేరుతో ఎక్కడా చలామణి కాలేదు. శివకుమార్‌, గూరూజి, అంకుల్‌, చిన్నప్ప, స్వామీజీ తదితర ఇతర పేర్లతోనే అనూయాయులు, ఇతరులతో మాట్లాడేవాడు. ఆయనకు సంగీతంపై ఆసక్తి చాలా ఎక్కువగా ఉన్నందున స్వామిజీ అనీ పిలిచే వారని కిశోరచంద్ర పేర్కొన్నారు. నిందితుడి స్వస్థలం తుమకూరు జిల్లా గుబ్బి. గతంలోనూ ప్రశ్నపత్రాల్ని లీక్‌ చేసిన కేసులో నిందితుడు. బెంగళూరులో నాలుగు, తుమకూరులో రెండు కేసులు ఆయనకు వ్యతిరేకంగా దాఖలయ్యాయి. ప్రశ్నపత్రాల్ని లీక్‌ చేసి అక్రమార్జన చేయటమే వృత్తిగా కొనసాగిస్తున్నారు.

స్థలాల మార్పు
తాజాగా మాధ్యమిక విద్య రసాయనశాస్త్ర ప్రశ్నపత్ర వ్యవహారం రట్టు కావడంతో శివకుమారస్వామి తన బసను పదే పదే మార్చాడు. సోమవారం రాత్రి నగరంలోనే నిందితుణ్ని బంధించినప్పటికీ ఇరుగు పొరుగు రాష్ట్రాల్లోనూ తల దాచుకున్నట్లు పోలీసులు చెప్పారు. రోజుకు ఐదారు స్థలాల్ని మార్చేవాడని వివరించారు.

* కర్ణాటక సంఘటిత నేరాల నిరోధక చట్టం కింద ఆయనను పట్టుకున్నారు. ఈ వేట కోసం 40 మంది సీఐడీ అధికారులు, రక్షకులు గాలించి.. జల్లెడ పట్టారు. సూపరెంటెడెంట్‌ సిరిగౌరి దర్యాప్తును రోజు వారీ పర్యవేక్షించారు. సీఐడీకి అందకుండా నెల రోజులుగా అజ్ఞాత జీవితాన్ని గడిపిన శివకుమారస్వామి తన గుట్టు రట్టుకాకుండా కాపాడుకునేందుకు సాక్షుల్ని ప్రలోభ పరచేందుకు ప్రయత్నించినట్లు పేర్కొన్నారు. ప్రధాన నిందితుడికి సహాయ సహకారాల్ని అందిస్తారని భావించిన వారిపై నిఘాను ముమ్మరం చేసి కీలక పాత్రధారిని పట్టుకున్నట్లు విపులీకరించారు.

FileName

  • FileName
మరిన్ని
FileName
FileName

  • FileName
మరిన్ని
FileName

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని
జిల్లా వార్తలు

దేవ‌తార్చ‌న

రుచులు

© 1999- 2016 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.