వాడ వాడలా ‘వనం-మనం’

తాజావార్తలు


వాడ వాడలా ‘వనం-మనం’
విజయవాడ: ఆంధ్రప్రదేశ్‌ ముఖ్యమంత్రి చంద్రబాబు నాయుడు పిలుపు మేరకు రాష్ట్రంలో ‘వనం-మనం’ కార్యక్రమం ఉద్యమంలా సాగుతోంది. ఇవాళ ఒక్కరోజే కోటి మొక్కలు నాటాలనే లక్ష్యంతో అధికారులు ఏర్పాట్లు చేశారు. రాష్ట్ర మంత్రులు, ఎమ్మెల్యేలు, ప్రజాప్రతినిధులు ‘వనం- మనం’ కార్యక్రమంలో ఉత్సాహం గా పాల్గొని మొక్కలు నాటారు.

* తూర్పుగోదావరిజిల్లా కాకినాడ తిలక్‌వీధిలో హోం మంత్రి చినరాజప్ప వనం-మనం కార్యక్రమాన్ని ప్రారంభించి మొక్కలు నాటారు.

* విశాఖ కంభాలకొండ అటవీప్రాంతంలో ఏర్పాటు చేసిన వనం-మనం కార్యక్రమంలో మంత్రి కొల్లు రవీంద్ర, కలెక్టర్‌ ప్రవీణ్‌, అధికారులు పాల్గొన్నారు.

* ప్రకాశం జిల్లా దర్శి ప్రభుత్వ జూనియర్‌ కళాశాల ఆవరణలో రవాణాశాఖ మంత్రి శిద్దారాఘవరావు మొక్కలు నాటారు. కార్యక్రమంలో కలెక్టర్‌ సుజాత శర్మ, ఎమ్మెల్సీ మాగుంట శ్రీనివాసులరెడ్డి పాల్గొన్నారు.

* నెల్లూరులోని కొత్తూరు కేంద్రీయ విద్యాలయంలో మంత్రి నారాయణ మొక్కలు నాటారు. ఇవాళ జిల్లా వ్యాప్తంగా 8లక్షల మొక్కలు నాటుతున్నామని మంత్రి తెలిపారు.

* పశ్చిమగోదావరి జిల్లా తాడేపల్లి గూడెంలో ఏర్పాటు చేసిన వనం-మనం కార్యక్రమంలో మంత్రి మాణిక్యాలరావు పాల్గొని మొక్కలు నాటారు.

* గుంటూరు జిల్లా పేరేచర్ల మండలం నల్లపాడు రిజర్వ్‌ ఫారెస్టులో ‘వనం-మనం’ కార్యక్రమాన్ని మంత్రి రావెల కిశోర్‌బాబు ప్రారంభించారు. జిల్లాల్లో 16.50 లక్షల మొక్కలు నాటేందుకు అటవీశాఖ ఏర్పాట్లు చేసింది.

* తూర్పుగోదావరి జిల్లా జగ్గంపేట మండలం రామవరంలో ఏర్పాటు చేసిన ‘వనం-మనం’ కార్యక్రమంలో మంత్రులు చినరాజప్ప, యనమల రామకృష్ణుడు, దేవినేని ఉమామహేశ్వరరావు పాల్గొని మొక్కలు నాటారు.

*రాజమహేంద్రవరంలోని దానవాయిపేటలో మున్సిపల్‌ ఉన్నత పాఠశాలలో ఏర్పాటు చేసిన వనం-మనం కార్యక్రమంలో ఎమ్మెల్యే గోరంట్ల బుచ్చయ్యచౌదరి, మున్సిపల్‌ కమిషనర్‌ విజయరామరాజు, మేయర్‌ రజనీశేషసాయి పాల్గొని మొక్కలు నాటారు.

* విజయవాడ బీఆర్‌టీఎస్‌ రోడ్డులో ‘వనం-మనం’ కార్యక్రమాన్ని ఎంపీ కేశినేని, ఎమ్మెల్యే బొండా ఉమామహేశ్వరరావు ప్రారంభించారు. మొక్కల పెంపకంపై అవగాహన కోసం వేలమంది విద్యార్థులతో ర్యాలీ నిర్వహించారు.

FileName

  • FileName
మరిన్ని
FileName
FileName

  • FileName
మరిన్ని
FileName

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని
జిల్లా వార్తలు
Property Handling 300x50

దేవ‌తార్చ‌న

రుచులు

© 1999- 2016 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.