sachin tendulkar: ఈ గెలుపు మీకే అంకితం: సచిన్‌ భావోద్వేగం

దిల్లీ: రోడ్‌ సేఫ్టీ టీ20 ప్రపంచ సిరీస్‌ను రెండో సారి కైవసం చేసుకున్న భారత లెజెండ్స్‌ జట్టు సంతోషంలో మునిగితేలుతోంది. ఈ నేపథ్యంలో కెప్టెన్‌ సచిన్‌ తెందూల్కర్‌ తన జట్టు సభ్యులను కొనియాడాడు. ఈ విజయాన్ని వారికి అంకితం ఇస్తున్నట్టుగా తెలిపాడు. ఈ మేరకు ట్విటర్‌లో ఓ భావోద్వేగపూరిత పోస్ట్‌ చేశాడు.  ఈ మ్యాచ్‌లో సెంచరీతో చెలరేగిన నమన్‌ ఓజా ఆటతీరును ప్రత్యేకంగా అభినందించాడు. 

‘‘మ్యాచ్‌ గెలిచేందుకు జట్టు ఎంతగానో కృషి చేసింది. చివరి మ్యాచ్‌లో ఓజా బ్యాటింగ్‌ మరో అద్భుతం. ఈ గెలుపును నా జట్టుకు, అభిమానులకు అంకితం ఇస్తున్నా’’ అంటూ ట్వీట్‌ చేశాడు. మ్యాచ్‌ అనంతరం జట్టు విజయోత్సాహాలు జరుపుకొంటున్న ఫొటోలను ఈ మాస్టర్‌ బ్లాస్టర్‌ నెటిజన్లతో పంచుకున్నాడు.