బలోచ్‌లోని పాక్‌ సైనిక పోస్టుపై భీకర దాడి! - Militants attack Pakistan checkpoint in Balochistan killing 7 soldiers
close
Published : 28/12/2020 01:04 IST
Facebook Share Twitter Share WhatsApp Share Telegram Share Link Share

బలోచ్‌లోని పాక్‌ సైనిక పోస్టుపై భీకర దాడి!

ఇస్లామాబాద్‌: పాక్‌లోని బలోచిస్థాన్‌ ప్రావిన్స్‌లో ఆ దేశ సైనికులపై వేర్పాటువాదులుగా అనుమానిస్తున్న కొందరు ఆదివారం విరుచుకుపడ్డారు. హర్నాయ్‌ వద్ద ఉన్న చెక్‌పోస్ట్‌పై వీరు జరిపిన ఈ దాడిలో సుమారు ఏడుగురు పాక్‌ సైనికులు మృత్యువాత చెందారు. మరణాల సంఖ్య పెరిగే అవకాశం ఉన్నట్లు తెలుస్తోంది. ఈ మేరకు పాక్‌ ఆర్మీ అధికారులు వివరాలు వెల్లడించారు. ‘హార్నాయ్‌ ప్రాంతంలోని ఔట్‌పోస్ట్‌పై కొందరు దాడికి తెగబడ్డారు. ఈ క్రమంలో ఇరువైపులా కాల్పులు చోటుచేసుకున్నాయి. ఈ ఘటనలో ఏడుగురు పాక్‌ సైనికులు మరణించారు. ఉగ్రవాదులను పట్టుకునేందుకు ఆ ప్రాంతంలో భారీ ఆపరేషన్‌ కొనసాగుతోంది. తప్పించుకోకుండా మార్గాల్ని నిర్బంధించాం’ అని ఆర్మీ వర్గాలు తెలిపాయి. 

ఈ దాడిపై పాక్‌ ప్రధాని ఇమ్రాన్‌ ఖాన్‌ మాట్లాడుతూ.. ‘ఎంతో దిగ్భ్రాంతికి గురి చేసే ఘటన ఇది. మరణించిన సైనికుల కుటుంబాలకు ప్రగాఢ సానుభూతి వ్యక్తం చేస్తున్నా’ అని ప్రకటించారు. కాగా గత ఐదు రోజుల నుంచి బలోచ్‌ ప్రావిన్స్‌లో ఉగ్రవాదుల కోసం సైనికులు గాలింపు కొనసాగిస్తున్న క్రమంలో.. ఈ దాడి జరగడం గమనార్హం. ఈ దాడి వెనక బలోచ్‌ నేషనలిస్ట్‌ సంస్థకు చెందినవారి హస్తం ఉండొచ్చని భావిస్తున్నారు.

ఇదీ చదవండి

పాక్‌ను ఎగదోసి.. పక్కకు తప్పుకొని



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని