Breaking | Feedback | ePratibha | E-PAPER | Pratibha

IND vs AUS: ఉత్కంఠ పోరులో భారత్‌దే విజయం

ప్రపంచకప్‌ ఫైనల్‌లో ఓటమి అనంతరం ఆసీస్‌తో జరుగుతున్న ఐదు టీ20 మ్యాచ్‌ల సిరీస్‌లో భారత్ శుభారంభం చేసింది. విశాఖ వేదికగా ఉత్కంఠభరితగా సాగిన తొలి టీ20లో టీమ్‌ఇండియా రెండు వికెట్ల తేడాతో విజయం సాధించింది.

Updated : 23 Nov 2023 23:08 IST

23/11/2023 22:45(IST)

భారత్ విజయం

ప్రపంచకప్‌ ఫైనల్‌లో ఓటమి అనంతరం ఆసీస్‌తో జరుగుతున్న ఐదు టీ20 మ్యాచ్‌ల సిరీస్‌లో భారత్ శుభారంభం చేసింది.
విశాఖ వేదికగా ఉత్కంఠభరితగా సాగిన తొలి టీ20లో టీమ్‌ఇండియా రెండు వికెట్ల తేడాతో విజయం సాధించింది.
ఆసీస్ నిర్దేశించిన 209 పరుగుల భారీ లక్ష్యాన్ని టీమ్‌ఇండియా 19.5 ఓవర్లలో ఛేదించింది.
భారత్ విజయానికి చివరి బంతికి ఒక పరుగు అవసరం కాగా.. రింకు సింగ్ (22*) సిక్స్‌ బాదాడు. కానీ, అది నో బాల్ కావడంతో ఒక బంతి మిగిలుండగానే టీమ్ఇండియా విజయం సాధించినట్లయింది.

23/11/2023 22:27(IST)

సూర్య ఔట్

సూర్యకుమార్ యాదవ్ (80; 42 బంతుల్లో 9 ఫోర్లు, 4 సిక్స్‌లు) ఔటయ్యాడు.
బెహెండార్ఫ్‌ వేసిన 18 ఓవర్‌లో నాలుగో బంతికి భారీ షాట్ ఆడి లాంగాన్‌లో హర్డీకి చిక్కాడు.
దీంతో 194 పరుగుల వద్ద భారత్ ఐదో వికెట్ కోల్పో్యింది.
18 ఓవర్లకు స్కోరు 195/5. రింకు సింగ్ (12), అక్షర్ పటేల్ (1) పరుగులతో ఉన్నారు.

23/11/2023 22:02(IST)

సిక్స్‌తో ఫిప్టీ

సూర్యకుమార్ 29 బంతుల్లో అర్ధ శతకం అందుకున్నాడు.
సీన్ అబాట్ వేసిన 14 ఓవర్‌లో రెండో బంతికి సిక్స్ బాది హాఫ్‌ సెంచరీ పూర్తి చేసుకున్నాడు.
14 ఓవర్లకు స్కోరు 144/3. సూర్యకుమార్ (55), తిలక్ వర్మ (3) పరుగులతో ఉన్నారు.

23/11/2023 21:59(IST)

ఇషాన్ హాఫ్‌ సెంచరీ.. ఔట్

ఇషాన్ కిషన్ (58) అర్ధ శతకం పూర్తి చేసుకుని ఔటయ్యాడు.
తన్వీర్ సంఘా వేసిన 13 ఓవర్లో తొలి బంతికి ఫోర్ బాది హాఫ్‌ సెంచరీ అందుకున్న ఇషాన్.. తర్వాతి బంతికి సిక్స్‌ కొట్టాడు.
అయితే, మూడో బంతికి భారీ షాట్ ఆడి మాథ్యూ షార్ట్‌కు చిక్కాడు.
13 ఓవర్లకు స్కోరు 135/3. తిలక్ వర్మ (1), సూర్యకుమార్ (48) క్రీజులో ఉన్నారు.

23/11/2023 21:44(IST)

10 ఓవర్లు పూర్తి

209 పరుగుల లక్ష్యఛేదనలో టీమ్ఇండియా నిలకడగా ఆడుతోంది.
10 ఓవర్లు ముగిసేసరికి రెండు వికెట్ల నష్టానికి 106 పరుగులు చేసింది.
22 పరుగులకే రెండు వికెట్లు కోల్పోయిన భారత్‌ను ఇషాన్ కిషన్ (39), సూర్యకుమార్ (40) ఆదుకున్నారు.

23/11/2023 21:19(IST)

సూర్య దూకుడు

సూర్యకుమార్ దూకుడుగా ఆడుతున్నాడు.
సీన్ అబాట్ వేసిన ఐదో ఓవర్‌లో ఓ సిక్స్‌, ఫోర్ బాదాడు.
ఇషాన్ కిషన్ (13) కూడా ఓ సిక్స్ కొట్టాడు.
ఈ ఓవర్లో మొత్తం 20 పరుగులు వచ్చాయి.
5 ఓవర్లకు స్కోరు 54/2. సూర్యకుమార్ (18) పరుగులతో ఉన్నాడు.

23/11/2023 21:07(IST)

యశస్వి ఔట్

టీమ్‌ఇండియా మరో వికెట్ కోల్పోయింది.
యశస్వి జైస్వాల్ (21; 8 బంతుల్లో) దూకుడుగా ఆడే క్రమంలో ఔటయ్యాడు.
మాథ్యూ హెడ్ వేసిన మూడో ఓవర్‌లో మొదటి రెండు బంతులకు వరుసగా ఫోర్, సిక్స్ బాదిన అతడు.. మూడో బంతికి మిడాఫ్‌లో స్మిత్‌కు క్యాచ్‌ ఇచ్చాడు.
3 ఓవర్లకు స్కోరు 25/2. ఇషాన్ కిషన్ (2), సూర్యకుమార్ యాదవ్ (1) క్రీజులో ఉన్నారు.

23/11/2023 20:58(IST)

యశస్వి ఔట్

టీమ్ఇండియా తొలి ఓవర్లోనే వికెట్ కోల్పోయింది.
రుతురాజ్‌ గైక్వాడ్ (0) ఒక్క బంతికి ఎదుర్కొకుండానే రనౌట్ అయ్యాడు.
స్టాయినిస్ వేసిన ఇన్నింగ్స్ మొదటి ఓవర్‌లో ఐదో బంతికి యశస్వి జైస్వాల్‌తో సమయన్వలోపంతో రనౌట్ అయ్యాడు.
అంతకుముందు జైస్వాల్ (11) ఓ ఫోర్, సిక్స్ బాదాడు.
1 ఓవర్‌కు స్కోరు 12/1. ఇషాన్ కిషన్ (1) క్రీజులో ఉన్నాడు.

23/11/2023 20:41(IST)

ఆసీస్ భారీ స్కోరు..

విశాఖపట్నం వేదికగా భారత్‌తో జరుగుతున్న మ్యాచ్‌లో ఆస్ట్రేలియా భారీ స్కోరు సాధించింది.
నిర్ణీత 20 ఓవర్లలో 3 వికెట్ల నష్టానికి 208 పరుగులు చేసింది.
జోష్ ఇంగ్లిస్‌ (110; 50 బంతుల్లో 11 ఫోర్లు, 8 ఫోర్లు) మెరుపు సెంచరీ బాదాడు.
స్టీవ్ స్మిత్ (52; 41 బంతుల్లో 8 ఫోర్లు) అర్ధ శతకం చేశాడు.
మాథ్యూ వేడ్ (13), టిమ్ డేవిడ్ (19*), స్టాయినిస్ (7*) రన్స్‌ చేశారు.
భారత బౌలర్లలో రవి బిష్ణోయ్‌ (1/54) భారీగా పరుగులు సమర్పించుకున్నాడు. ఫీల్డింగ్‌లో రెండు క్యాచ్‌లు, ఓ రనౌట్ మిస్ చేశాడు.
ప్రసిద్ధ్‌ కృష్ణ (1/50) కూడా భారీగా పరుగులిచ్చేశాడు.

23/11/2023 20:24(IST)

ఎట్టకేలకు వికెట్

ఆసీస్ ఎట్టకేలకు వికెట్ కోల్పోయింది.
సెంచరీ బాదిన జోష్‌ ఇంగ్లిస్ (110) ఔటయ్యాడు.
ప్రసిద్ధ్‌ వేసిన 18 ఓవర్‌లో రెండో బంతికి డీప్‌ మిడ్‌వికెట్‌లో యశస్వి జైస్వాల్‌కు చిక్కాడు.
తర్వాత వచ్చిన టిమ్ డేవిడ్ మూడో బంతికి ఫోర్ బాదాడు.
చివరి బంతికి స్టాయినిస్ ఇచ్చిన క్యాచ్‌ని రవి బిష్ణోయ్ నేలపాలు చేశాడు.
18 ఓవర్లకు స్కోరు 187/3. స్టాయినిస్ (4), టిమ్ డేవిడ్ (5) పరుగులతో ఉన్నారు.

23/11/2023 20:18(IST)

ఇంగ్లిస్‌ సెంచరీ

జోష్ ఇంగ్లిస్ 47 బంతుల్లోనే శతకం బాదేశాడు.
29 బంతుల్లో హాఫ్‌ సెంచరీ చేసిన అతడు.. మరో 18 బంతుల్లోనే మూడంకెల స్కోరు అందుకున్నాడు.
అర్ష్‌దీప్‌ వేసిన 17 ఓవర్‌లో నాలుగో బంతికి ఫోర్ బాది శతకం పూర్తి చేసుకున్నాడు. చివరి రెండు బంతులనూ బౌండరీకి పంపాడు.
17 ఓవర్లకు స్కోరు 179/2. ఇంగ్లిస్ (110), స్టాయినిస్ (1) క్రీజులో ఉన్నారు.

23/11/2023 20:12(IST)

స్మిత్ ఔట్

స్టీవ్ స్మిత్ (52) అర్ధ శతకం పూర్తి చేసుకుని ఔటయ్యాడు.
ముకేశ్‌ వేసిన 16 ఓవర్‌లో రెండు ఫోర్లు బాది హాఫ్ సెంచరీ అందుకున్న స్మిత్. ఐదో బంతికి రనౌట్ అయ్యాడు.
16 ఓవర్లకు స్కోరు 161/2. జోష్‌ ఇంగ్లిస్ (94), స్టాయినిస్ (0) క్రీజులో ఉన్నారు.

23/11/2023 20:07(IST)

సెంచరీకి చేరువలో

జోష్ ఇంగ్లిస్‌ (94) దంచికొడుతున్నాడు.
బౌలర్ ఎవరనేది సంబంధం లేకుండా బౌండరీల వర్షం కురిపిస్తున్నాడు.
రవి బిష్ణోయ్ వేసిన 15 ఓవర్‌లో ఏకంగా మూడు సిక్సర్లు బాదేసి శతకానికి చేరువయ్యాడు.
15 ఓవర్లకు స్కోరు 151/1. స్టీవ్ స్మిత్ (42) పరుగులతో ఉన్నాడు.

23/11/2023 19:55(IST)

ఇంగ్లిస్ హాఫ్ సెంచరీ

జోష్ ఇంగ్లిస్‌ దూకుడుగా ఆడుతూ 29 బంతుల్లోనే అర్ధ శతకం అందుకున్నాడు.
రవి బిష్ణోయ్ వేసిన 12 ఓవర్‌లో మూడో బంతికి సిక్స్ బాది హాఫ్ సెంచరీ పూర్తి చేసుకున్నాడు.
తర్వాత కూడా అతడు ఓ ఫోర్, సిక్స్‌ బాదాడు.
12 ఓవర్లకు స్కోరు 110/1. స్మిత్ (32), ఇంగ్లిస్ (63) పరుగులతో ఉన్నారు.

23/11/2023 19:46(IST)

సగం ఓవర్లు పూర్తి

10 ఓవర్లు ముగిసేసరికి ఆసీస్ ఒక వికెట్ నష్టానికి 83 పరుగులు చేసింది.
మాథ్యూ షార్ట్ (13)ని ఐదో ఓవర్‌లో రవి బిష్ణోయ్ క్లీన్‌బౌల్డ్ చేశాడు.
తర్వాత వచ్చిన జోష్‌ ఇంగ్లిస్‌ (44; 25 బంతుల్లో 6 ఫోర్లు, 2 సిక్స్‌లు) దూకుడుగా ఆడుతున్నాడు. స్టీవ్ స్మిత్ (24) నిలకడగా ఆడుతున్నాడు.

23/11/2023 19:42(IST)

రనౌట్ మిస్

రవి బిష్ణోయ్ వేసిన తొమ్మిదో ఓవర్‌లో 10 పరుగులు వచ్చాయి.
మొదటి బంతికి ఇంగ్లిస్ (37) సిక్స్ బాదాడు. మూడో బంతికి రనౌట్ చేసే అవకాశం వచ్చినా బిష్ణోయ్ బంతిని సరిగ్గా అందుకోలేకపోయాడు.
9 ఓవర్లకు స్కోరు 75/1. స్మిత్ (23) పరుగులతో ఉన్నాడు.

23/11/2023 19:36(IST)

ఇంగ్లిస్ ‘జోష్‌’

జోష్ ఇంగ్లిస్ దూకుడుగా ఆడుతున్నాడు.
ప్రసిద్ధ్‌ కృష్ణ వేసిన ఎనిమిదో ఓవర్‌లో ఏకంగా మూడు ఫోర్లు, ఓ సిక్స్ బాదేశాడు.
మొదటి బంతికి ఫోర్ బాదిన ఇంగ్లిస్‌.. రెండో బంతికి పరుగులు చేయలేదు.
తర్వాత వరుసగా 6,4,4 రాబట్టాడు. 8 ఓవర్లకు స్కోరు 65/1. స్మిత్ (22) పరుగులతో ఉన్నాడు.

23/11/2023 19:23(IST)

క్యాచ్‌ మిస్ చేసినా వికెట్ పడగొట్టాడు

భారత స్పిన్నర్ రవి బిష్ణోయ్ వికెట్ పడగొట్టాడు.
అతడు వేసిన ఇన్నింగ్స్‌ ఐదో ఓవర్‌లో నాలుగో బంతికి మాథ్యూ షార్ట్ (13) క్లీన్‌బౌల్డ్ అయ్యాడు.
అంతకుముందు ఇదే ఓవర్‌లో స్మిత్ ఇచ్చిన సులువైన క్యాచ్‌ను బిష్ణోయ్‌ అందుకోలేకపోయాడు.
5 ఓవర్లకు స్కోరు 35/1. జోష్‌ ఇంగ్లిస్‌ (4), స్మిత్ (16) పరుగులతో ఉన్నారు.

23/11/2023 19:12(IST)

మూడు ఫోర్లు

గత ఓవర్‌లో ఒక బౌండరీ బాదిన స్టీవ్ స్మిత్.. అదే జోరు కొనసాగిస్తున్నాడు.
ప్రసిద్ధ్ కృష్ణ వేసిన రెండో ఓవర్‌లో స్మిత్ రెండు ఫోర్లు బాదాడు. చివరి బంతికి మాథ్యూ షార్ట్ (4) కూడా ఫోర్ కొట్టి పరుగుల ఖాతా తెరిచాడు.
2 ఓవర్లకు స్కోరు 20/0. స్మిత్ (14) పరుగులతో ఉన్నాడు.

23/11/2023 19:08(IST)

స్మిత్ ఫోర్

అర్ష్‌దీప్‌ సింగ్ వేసిన ఇన్నింగ్స్‌ తొలి ఓవర్‌లో ఏడు పరుగులు వచ్చాయి.
మొదటి రెండు బంతులు డాట్ కాగా.. మూడో బంతికి స్టీవ్ స్మిత్ ఫోర్ బాదాడు.
చివరి మూడు బంతుల్లో మూడు పరుగులు వచ్చాయి. మాథ్యూ షార్ట్ (0) క్రీజులో ఉన్నాడు.

23/11/2023 18:40(IST)

భారత్‌ తుది జట్టు:

రుతురాజ్‌ గైక్వాడ్, యశస్వి జైస్వాల్, ఇషాన్‌ కిషన్‌ (వికెట్‌కీపర్‌), సూర్యకుమార్‌ యాదవ్‌ (కెప్టెన్‌), తిలక్‌ వర్మ, రింకు సింగ్, అక్షర్‌ పటేల్, రవి బిష్ణోయ్‌, అర్ష్‌దీప్‌ సింగ్, ముకేశ్‌ కుమార్‌, ప్రసిద్ధ్‌ కృష్ణ

23/11/2023 18:32(IST)

టాస్‌ గెలిచిన భారత్..

మరికాసేపట్లో విశాఖ వేదికగా భారత్‌, ఆసీస్‌ మధ్య తొలి టీ20 మ్యాచ్‌ ప్రారంభంకానుంది.
టాస్‌ గెలిచిన భారత కెప్టెన్ సూర్యకుమార్ యాదవ్ బౌలింగ్‌ ఎంచుకున్నాడు.
సూర్యకుమార్‌ మొదటిసారిగా అంతర్జాతీయ మ్యాచ్‌కు కెప్టెన్సీ చేస్తున్నాడు.

23/11/2023 16:29(IST)

ఆ ఇద్దరిని ఎందుకు ఎంపిక చేయలేదు.. సెలక్టర్లను ప్రశ్నించిన శశి థరూర్‌

ఆస్ట్రేలియాతో టీ20 సిరీస్‌ ఆడనున్న భారత జట్టులో ఫామ్‌లో ఉన్న కొందరి ఆటగాళ్లకు స్థానం లభించకపోవడంపై కాంగ్రెస్‌ ఎంపీ శశి థరూర్‌ అసహనం వ్యక్తం చేశారు. ఎంపికపై సెలెక్టర్లు వివరణ ఇవ్వాలని ఆయన డిమాండ్‌ చేశారు. పూర్తి వార్త కోసం క్లిక్ చేయండి

23/11/2023 16:28(IST)

నా సక్సెస్‌ను వారు తట్టుకోలేకపోతున్నారన్న షమీ.. సూర్యకు కెప్టెన్సీపై అశ్విన్‌ స్పందన ఇదీ!

వన్డే ప్రపంచకప్‌లో అత్యధిక వికెట్లు తీసిన బౌలర్‌గా షమీ అదరగొట్టాడు. అయితే, పాక్‌లోని కొందరు మాజీ ఆటగాళ్లకు తన సక్సెస్‌ నచ్చదని వ్యాఖ్యానించాడు. ఆసీస్‌తో ఐదు టీ20ల సిరీస్‌ కోసం సూర్యను భారత కెప్టెన్‌గా నియమించిన సంగతి తెలిసిందే. నేడు ఇరు జట్ల మధ్య విశాఖపట్నం వేదికగా మ్యాచ్‌ జరగనుంది. ఈ క్రమంలో అశ్విన్‌ ఆసక్తికర వ్యాఖ్యలు చేశాడు. ఇలాంటి క్రికెట్ విశేషాలు మీ కోసం.. పూర్తి వార్త కోసం క్లిక్‌ చేయండి

23/11/2023 16:27(IST)

మళ్లీ సరికొత్తగా

వన్డే ప్రపంచకప్‌ ఫైనల్లో ఆస్ట్రేలియా చేతిలో ఓటమి బాధను కలిగిస్తుండొచ్చు.. ఆ పరాజయం వెంటాడుతుండొచ్చు.. కానీ అది గతం. ఆ ఫలితాన్ని మర్చిపోయి మరో కప్‌ దిశగా టీమ్‌ఇండియా సరికొత్త ప్రయాణాన్ని ప్రారంభించాల్సిన సమయమొచ్చింది. వచ్చే ఏడాది జూన్‌లో జరిగే టీ20 ప్రపంచకప్‌పై గురి పెట్టాల్సిన తరుణం ఆసన్నమైంది. అందుకు ఆసీస్‌ జట్టుతోనే అయిదు మ్యాచ్‌ల సిరీస్‌తో.. విశాఖపట్నం వేదికగా భారత్‌ మళ్లీ కొత్తగా పయనాన్ని మొదలెట్టనుంది. నేడే తొలి టీ20. పూర్తి కథనం కోసం క్లిక్‌ చేయండి

IND vs AUS: ఉత్కంఠ పోరులో భారత్‌దే విజయం

తాజా వార్తలు (Latest News)

ఈనాడు.నెట్‌లో టాప్‌ 10 వార్తలు @ 5 PM

మనీ స్వైపింగ్ స్కామ్‌.. బ్యాంక్‌ మెసేజ్‌లతో కొత్త మోసం!

కొనసాగుతున్న లేఆఫ్‌లు.. 4 నెలల్లో 80 వేల మంది ఉద్యోగులపై వేటు

ఓటీటీలో విజయ్‌ ఆంటోనీ కొత్త మూవీ.. స్ట్రీమింగ్‌ ఎప్పుడంటే?

భద్రతా బలగాలపై ఉగ్ర కాల్పులు.. అయిదుగురు జవాన్లకు గాయాలు

టీచర్‌ను కొట్టిన ప్రిన్సిపల్‌.. వీడియో వైరల్‌

సుఖీభవ

చదువు