గల్వాన్‌ ఘటన.. చైనా వీడియో

తాజా వార్తలు

Published : 20/02/2021 00:45 IST

గల్వాన్‌ ఘటన.. చైనా వీడియో

దిల్లీ: లద్దాఖ్‌లోని గల్వాన్‌ లోయలో గతేడాది భారత్‌- చైనా సైనికుల మధ్య జరిగిన ఘర్షణకు సంబంధించిన ఓ వీడియోను డ్రాగన్‌ దేశం తాజాగా విడుదల చేసింది. ఇరు దేశాల బలగాల ఉపసంహరణ ప్రక్రియ జరుగుతున్న వేళ ఈ వీడియో విడుదల చేయడం ప్రాధాన్యం సంతరించుకుంది. జూన్‌లో జరిగిన ఈ ఘటనకు సంబంధించిన వీడియో ఆ దేశ అధికారిక మీడియా గ్లోబల్‌ టైమ్స్‌ విడుదల చేసింది. భారత బలగాలే చైనా వైపు దూసుకొచ్చినట్లు అందులో పేర్కొంది. ఇరు దేశాల సైన్యాలు వాగ్వాదం జరిగినట్లు అందులో కనిపించింది. ఈ ఘర్షణలో నలుగురు చైనా సైనికులు మరణించారని, వారికి నివాళులర్పిస్తున్నట్లు చైనా పేర్కొంది. అయితే, ఇదే దాడి ఘటనలో తెలంగాణకు చెందిన కర్నల్‌ సంతోష్‌బాబుతో పాటు మరో 19 మంది అమరులైన సంగతి తెలిసిందే. చైనాకు చెందిన 30 మంది సైనికులు ఈ ఘటనలో మరణించినట్లు భారత సైన్యం చెబుతుండగా.. కేవలం నలుగురు మాత్రమే మరణించినట్లు చైనా ప్రకటించడం గమనార్హం.



Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని