హెయిర్‌.. తీసుకో గురూ కేర్‌

ఎంత కష్టపడి సింగారించుకున్నా.. తలపై జుట్టు సరిగా ఉంటేనే అమ్మాయిలైనా, అబ్బాయిలైనా అందంగా కనిపిస్తారు. అంతటి కీలకమైన హెయిర్‌ని చలికాలంలో ఎలా కాపాడుకోవాలంటే..

* టోపీ: దుమ్మూధూళీ, తేమ నుంచి రక్షణ కోసం టోపీ ధరించాలి. ఇది చలి నుంచి కాపాడుతుంది కూడా.

* హ్యుమిడిఫయర్‌: ఈ పరికరం ఇంట్లో ఉంటే.. ఒంటికి వెచ్చదనంతోపాటు చలితో జుత్తు నిర్జీవంగా తయారు కాదు.

* కత్తిరింపు: కుర్రాళ్లు నెలకోసారైనా జుత్తుని కత్తిరిస్తుంటే వెంట్రుకల చివర్లు ఆరోగ్యంగా ఉంటాయి.

* వేడి నీళ్లు: మరీ వేడి నీళ్లు, అతిగా స్టీమ్‌ షవర్‌తో స్నానం చేయడం జుట్టుకి మంచిది కాదు. గోరువెచ్చని నీళ్లు చాలు.

* నూనె: నిర్జీవంగా తయారైన జుట్టుకి హెయిర్‌ ఆయిల్‌ ప్రాణం తీసుకొస్తుంది. వారానికి రెండుసార్లైనా పట్టించాలి.

* వద్దు: రోజూ షాంపూతో స్నానం చేయడం, మాయిశ్చరైజర్లు వాడుతుంటే జుత్తు పలచబడుతుంది. అతిగా వద్దు.