కుర్రాళ్ల కోసం హీరోలాంటి బైక్‌

కుర్రకారే లక్ష్యంగా మరో మోటార్‌సైకిల్‌ విపణిలోకి వచ్చేసింది. హీరో మోటోకార్ప్‌ కంపెనీ.. మిడ్‌సెగ్మెంట్‌ విభాగంలో ఓ సూపర్‌ బైక్‌ని తీసుకొచ్చింది. అదే మావ్‌రిక్‌ 440. దాని ప్రత్యేకతలు ఏంటంటే.. 

• మస్క్యులర్‌ ఫ్యుయెల్‌ ట్యాంకు, చంకీ వీల్స్‌, వెడల్పైన హ్యాండిల్‌బార్‌, సొగసైన్‌ ఎగ్జాస్ట్‌.. వీటన్నింటి మేటి కలయికతో చూడగానే ప్రీమియం మోటార్‌సైకిల్‌లా కనిపిస్తుంది.
• టెలిస్కోపిక్‌ ఫోర్క్‌,  యూఎస్‌బీ ఛార్జింగ్‌ పోర్ట్‌, 175ఎంఎం భారీ భరీ గ్రౌండ్‌ క్లియరెన్స్‌, యాంటీ లాక్‌ బ్రేకింగ్‌ సిస్టమ్‌.. సురక్షిత ప్రయాణానికి చిరునామాగా నిలుస్తాయి.
• 440సీసీ.. 27బీహెచ్‌పీ, 36ఎన్‌ఎం టార్క్‌ ఇంజిన్‌తో దూసుకెళ్తుంది. హైవేలు, మట్టిరోడ్లు.. ఎలాంటి టెర్రైన్‌లో అయినా మేటి పికప్‌ దీని సొంతం.
• రాయల్‌ ఎన్‌ఫీల్డ్‌ 350, జావా 42, హోండా సీబీ 350లతో పోటీ పడుతోంది.
• ధర రూ.1.99లక్షలు (ఎక్స్‌ షోరూం), రూ.2.24లక్షలు (టాప్‌ వేరియంట్‌)