విపణిలోకి మహీంద్రా ఎక్స్‌యూవీ 3ఎక్స్‌ఓ

ధర రూ.7.49 లక్షల నుంచి

ఈనాడు, హైదరాబాద్‌: కాంపాక్ట్‌ ఎస్‌యూవీ విభాగంలో సరికొత్త ఎక్స్‌యూవీ 3ఎక్స్‌ఓను మహీంద్రా అండ్‌ మహీంద్రా విడుదల చేసింది. డీజిల్‌, పెట్రోలు విభాగాల్లో మొత్తం 5 వేరియంట్లలో ఈ కారు అందుబాటులో ఉంటుంది. పెట్రోలు వెర్షన్‌ ప్రారంభ ధర రూ.7.49 లక్షలు కాగా, డీజిల్‌ మోడల్‌ ధర రూ.9.99 లక్షలుగా ఉంది. ఏఎక్స్‌7ఎల్‌ డీజిల్‌ ఎస్‌యూవీ ధర రూ.14.99 లక్షలు, పెట్రోలులో ఎంటీ రూ.13.99 లక్షలు, ఏటీ మోడల్‌ ధర రూ.15.49 లక్షలుగా ఉంది. 4 డిస్క్‌ బ్రేకులు, 6 ఎయిర్‌ బ్యాగులు సహా దాదాపు 35కు పైగా ప్రామాణిక భద్రతా ఫీచర్లు ఈ కారులో ఉన్నాయి. హ్యాచ్‌బ్యాక్‌ నుంచి ఎస్‌యూవీకి మారేవారిని దృష్టిలో పెట్టకుని దీన్ని తీసుకొచ్చామని మహీంద్రా అండ్‌ మహీంద్రా ఆటోమోటివ్‌ విభాగం ప్రెసిడెంట్‌ విజయ్‌ నక్రా తెలిపారు.