Tata Motors price Hike: టాటా మోటార్స్‌ వాణిజ్య వాహనాలూ మరింత ప్రియం

Tata Motors price Hike | దిల్లీ: కొత్త సంవత్సరం నుంచి ధరల్ని పెంచనున్నట్లు పలు వాహన తయారీ సంస్థలు ఇప్పటికే ప్రకటించాయి. టాటా మోటార్స్‌ (Tata Motors) సైతం తమ కార్ల ధరలను పెంచుతామని తెలిపింది. తాజాగా ఈ కంపెనీ మరో కీలక నిర్ణయం తీసుకుంది. తమ సంస్థ నుంచి వస్తోన్న వాణిజ్య వాహనాల ధరలను (Commercial Vehicle Prices) సైతం పెంచుతామని వెల్లడించింది. పెరిగిన ధరలు 2024 జనవరి 1 నుంచి అమల్లోకి వస్తాయని పేర్కొంది. మోడల్‌ను బట్టి పెంపు మూడు శాతం వరకు ఉంటుందని తెలిపింది. మారుతీ సుజుకీ, హ్యుందాయ్‌ మోటార్‌ ఇండియా, మహీంద్రా అండ్‌ మహీంద్రా, హోండా, ఆడి కంపెనీలు తమ ప్రయాణికుల వాహనాల ధరలను జనవరి నుంచి పెంచుతామని ప్రకటించిన విషయం తెలిసిందే.