కార్మికుల పోరాట ఫలితమే 8 గంటల పని దినాలు

ఎదులాపురం: 8 గంటల పని కోసం కార్మికులు పోరాడిన ఫలితంగా మే 1న మేడే పండుగను నిర్వహించుకుంటున్నామని సీఐటీయూ ఆల్ ఇండియా కోశాధికారి సాయిబాబు అన్నారు. మేడే ముగింపు వారోత్సవాలను పురస్కరించుకొని ఆ సంఘం ఆధ్వర్యంలో ర్యాలీగా చేపట్టారు. అనంతరం మేడే వారోత్సవాల ముగింపు సభలో ఆయన మాట్లాడారు. 8 గంటల పనిదినం కోసం కార్మికవర్గం రక్తాన్ని చిందించిందని, ఆ రక్తపు మడుగులోనే ఎర్ర జెండా పుట్టిందని అన్నారు. కార్మిక చట్టాల పునరుద్ధరణకై, హక్కుల సాధన కోసం పోరాడుదామని పిలుపునిచ్చారు. భారత రాజ్యాంగం, ప్రభుత్వ సంస్థలను కాపాడుకుందాం అని పేర్కొన్నారు.