సైన్సు లేని జ్ఞానం అసంపూర్ణం

ఆదిలాబాద్ కలెక్టరేట్: సమాజంలో రుగ్మతలు రూపు మాపేందుకు సైన్స్ పరిజ్ఞానం ఎంతో ఉపయోగపడుతుందని కలెక్టర్ రాజర్షి షా అన్నారు. స్థానిక డైట్ కళాశాలలో జనవిజ్ఞాన వేదిక ఆధ్వర్యంలో నిర్వహిస్తున్న ఉచిత సైన్సు సమ్మర్ క్యాంప్ ముగింపు కార్యక్రమంలో ఆయన ముఖ్య అతిథిగా హాజరై ప్రసంగించారు. వ్యాక్సిన్ ద్వారా పిల్లలను వ్యాధుల నుంచి వైద్యులు కాపాడుతతున్నారని తెలిపారు. కొందరు సైన్సుని పక్కనపెట్టి మూఢనమ్మకాలను నమ్ముతున్నారని పేర్కొన్నారు. ఈ కార్యక్రమంలో జిల్లా విద్యాధికారి  ప్రణీత, సెక్టోరియల్ అధికారి నారాయణ, జిల్లా సైన్స్ అధికారి రఘు రమణ, జనవిజ్ఞాన వేదిక అధ్యక్ష ప్రధాన కార్యదర్శులు బెదోడ్కర్, సంతోష్ కుమార్, నూతుల రవీందర్ పాల్గొన్నారు.