జనసేనలో చేరికలు

జనసేనలో చేరిన యువకులతో కొణతాల

ఎలమంచిలి, అనకాపల్లి, న్యూస్‌టుడే: ఎలమంచిలి 8వ వార్డు మున్సిపల్‌ కౌన్సిలర్‌ సాయిప్రసన్న భర్త ఓగిబోయిన చిరంజీవి సోమవారం జనసేనలో చేరారు. జనసేన అభ్యర్థి సుందరపు విజయ్‌కుమార్‌ సమక్షంలో ఆయన తన అనుచరులతో కలిసి జనసేన తీర్థం పుచ్చుకున్నారు. నాయకులు కొఠారు సాంబ, కొఠారు నరేష్‌, కరణం రవికుమార్‌, పల్లా శ్రీనివాసరావు తదితరులు పాల్గొన్నారు.

స్థానిక విజయరామరాజుపేటకు చెందిన పలువురు యువకులు సోమవారం జనసేనలో చేరారు. వారందరికి కూటమి అసెంబ్లీ అభ్యర్థి కొణతాల రామకృష్ణ కండువాలు వేసి స్వాగతించారు. జనసేన నాయకులు ఆరుగుల్లి అర్జున్‌ ఆధ్వర్యంలో 15 మంది జనసేనలో చేరారు. పంచాయతీ పరిషత్‌ జాతీయ ఉపాధ్యక్షులు డాక్టరు వీరాంజనేయులు మర్యాద పూర్వకంగా కొణతాలను కలిసి సత్కరించారు. ఈసందర్భంగా ఆయన మాట్లాడుతూ ఉత్తరాంధ్ర అభివృద్ధి చెందాలంటే ఎంతో అనుభవం కలిగిన కొణతాల అసెంబ్లీలో ఉండాలన్నారు.