వైకాపా వాహనం స్వాధీనం

హుకుంపేట, న్యూస్‌టుడే: అనుమతులు లేకుండా వైకాపా ప్రచార సామగ్రి తరలిస్తున్న వాహనాన్ని స్వాధీనం చేసుకున్నట్లు ఎంపీడీవో, ఎన్నికల అధికారి వెంకటరావు తెలిపారు. శుక్రవారం ఉదయం స్థానిక కామయ్యపేట కూడలి వద్ద తనిఖీలు చేస్తుండగా వాహనంలో గోని సంచులతో తరలిస్తున్న టీషర్టులు, టోపీలు, వైకాపా స్టిక్కర్లు గుర్తించారు. అనుమతులు లేకుండా వీటిని తరలిస్తున్నట్లు గుర్తించి స్వాధీనం చేసుకున్నారు. కారు డ్రైవర్‌ మాధవరావును సీఐ సన్యాసినాయుడు, ఎస్‌ఐ సతీష్‌కు అప్పగించామని ఎంపీడీవో తెలిపారు. దీనిపై కేసు నమోదు చేశారు. అనుమతులు లేకుండా ప్రచారాలకు వాహనాలు తరలించినా, పార్టీల స్టికర్లు అందించినా, కోడ్‌ ఉల్లంఘించినా చర్యలు తప్పవని హెచ్చరించారు. ఎన్నికల రాపిడ్‌ యాక్షన్‌ సిబ్బంది చోడిపల్లి రాము, నిరంజన్‌కుమార్‌, దిలీప్‌ తదితరులు పాల్గొన్నారు.