మార్కెట్ యార్డు గేట్లు మూసివేసి రైతుల ఆందోళన

మదనపల్లె గ్రామీణం: మదనపల్లెలో లారీ అసోసియేషన్, టమాటా వ్యాపారస్థులకు మధ్య వివాదం నెలకొంది.  లారీ అసోసియేషన్ సభ్యులు మార్కెట్లోకి వచ్చిన అద్దె లారీలను తీసుకెళ్లారంటూ వ్యాపారస్థులు వేలాన్ని నిలిపివేశారు. దీంతో  రైతులు టమాటాలకు ధర తగ్గి నష్టపోతున్నామంటూ ఆగ్రహం వ్యక్తం  చేశారు. అనంతరం మార్కెట్ యార్డు ఎదుట రహదారిపై  టమాటాలను పారబోసి నిరసన వ్యక్తం చేశారు.  లారీ అసోసియేషన్ సభ్యులను మార్కెట్లోకి అనుమతించకూడదని రైతుల డిమాండ్ చేస్తూ మార్కెట్ యార్డు గేట్లను మూసివేసి ఆందోళన చేశారు. దీనిపై మార్కెట్ అధికారులు రైతులు, వ్యాపారస్థులతో చర్చలు జరిపారు.