ఆధ్యాత్మిక జీవనంతోనే మానసిక ప్రశాంతత

పీధిపతికి ‘విశ్వధార్మిక చూడామణి’ బిరుదు ప్రదానం చేస్తున్న
తితిదే ప్రధానార్చకుడు వేణుగోపాల దీక్షితులు తదితరులు

రాయవరం: ఆధ్యాత్మిక జీవనంతోనే మానసిక ప్రశాంతత సిద్ధిస్తుందని తిరుమల తిరుపతి దేవస్థానం ప్రధాన అర్చకుడు వేణుగోపాల దీక్షితులు పేర్కొన్నారు. మండలంలోని వెదురుపాక విజయదుర్గా పీీఠాధిపతి వాడ్రేవు వెంకట సుబ్రహ్మణ్యం(గాడ్‌) 86వ జన్మదిన వేడుకల్లో బుధవారం వేణుగోపాల దీక్షితులు, ఎమ్మెల్సీ తోట త్రిమూర్తులు ముఖ్య అథితులుగా పాల్గొన్నారు. ప్రముఖ వస్త్రవ్యాపారి తుమ్మిడి రామ్‌కుమార్‌ అధ్యక్షతన జరిగిన కార్యక్రమంలో విశ్వగురు వరల్డ్‌ రికార్డ్సు నిర్వహణ సంస్థ పీీఠాధిపతికి ‘విశ్వధార్మిక చూడామణి’ బిరుదును వేణుగోపాల దీక్షితుల చేతుల మీదుగా ప్రదానం చేశారు. ఆధ్యాత్మిక చింతన, దేవతారాధనే నమ్ముకున్న వారికి అభయప్రదాతని పీీఠాధిపతి గాడ్‌ అన్నారు. పీీఠాథిపతి జననీజనకులు వాడ్రేవు చిన్న కృష్ణంరాజు, వెంకటరత్నం స్మత్యర్థం ఏటా అందించే ఆదర్శ దంపతుల పురస్కారాన్ని వైఖానస పండితుడు ప్రభాకరాచార్యులు, అంజనా దంపతులకు అందజేశారు. వేడుకల్లో సాహితీవేత్తలు డా.చిలకపాటి రాఘవాచార్యులు, ఎర్రాప్రగడ రామకృష్ణ, ధూళిపాల మహదేవమణి, మండపేట ఏఎంసీీ ఛైర్‌పర్సన్‌ తేతలి వనజారెడ్డి, డా.నవీన్‌రెడ్డి, ఎంపీీపీీ నౌడు వెంకటరమణ, సాహితివేత్తలు గొర్తి సుబ్రహ్మణ్యశాస్త్రి, చంద్రశేఖర భరద్వాజ, విష్ణుప్రియ, పీీఠం పర్యవేక్షుకుడు బాపిరాజు, పీీఆర్వో బాబీ, తదితరులు పాల్గొన్నారు.