పది అడుగుల ఐస్‌పై బతుకమ్మ

సోమాజిగూడ: హరిజాంటల్‌ ఫ్యూజింగ్‌ టెక్నిక్‌ విధానంలో 400 కిలోల ఐస్‌ బ్లాకులను వినియోగిస్తూ బేగంపేటలోని బ్రాండ్‌ సీఏఐ - కలినరీ అకాడమీ పీజీ విద్యార్థులు ఐస్‌ బతుకమ్మను రూపొందించారు. విద్యార్థులు తమ ప్రాక్టికల్‌ ఎక్స్‌టర్నల్‌ పరీక్షలో భాగంగా ఇచ్చిన టాస్క్‌ మేరకు రూపొందించిన బతుకమ్మ చూపరులను విశేషంగా ఆకట్టుకుంటోంది. ఐదుగురు పీజీ విద్యార్థులు 8 ఐస్‌ బాక్స్‌లతో 10 అడుగుల ఎత్తులో దీనిని సిద్ధం చేశారు. తయారీకోసం విద్యార్థులు ఆధునిక ఎలక్ట్రికల్‌ కార్వింగ్‌ యూరోపియన్‌ టూల్స్‌ను వినియోగించినట్లు తెలిపారు. శనివారం బేగంపేటలోని కలినరీ అకాడమీలో ప్రదర్శించారు.