ఆప్‌లో చేరిన పూజా రమేశ్‌

పూజా రమేశ్‌కు పార్టీ పతాకాన్ని అందిస్తున్న ముఖ్యమంత్రి చంద్రు

బెంగళూరు (సదాశివనగర), న్యూస్‌టుడే : మిస్‌ ఇండియా- 2021లో కర్ణాటక నుంచి ప్రాతినిధ్యం వహించిన నటి, సమాజ సేవకురాలు డాక్టర్‌ పూజా రమేశ్‌ ఆమ్‌ ఆద్మీ పార్టీలో చేరారు. ఆప్‌ ప్రధాన కార్యాలయంలో పృథ్వీరెడ్డి, పార్టీ నాయకులు ముఖ్యమంత్రి చంద్రు, కుశలస్వామి ఆమెకు పార్టీ పతాకాన్ని అందజేశారు. విధానసభ ఎన్నికలలో ఆమె రాయచూరు నుంచి పోటీ చేస్తారని పృథ్వీరెడ్డి ప్రకటించారు. ఇప్పటికే స్థానికంగా ఆమె పేదల కోసం పలు సంక్షేమ కార్యక్రమాలు నిర్వహించారని తెలిపారు. మహమ్మారి సమయంలో పారిశుద్ధ్య కార్మికులు, పేదలకు వరుస నెలలలో ఆమె మద్దతుగా నిలిచారని గుర్తు చేశారు. తమిళనాడు ప్రభుత్వం నుంచి గౌరవ డాక్టరేట్తో పాటు వివిధ ప్రాంతాలలో మహిళా సాధకి, బసవ పురస్కారం, మదర్‌ థెరీసా పురస్కారం, భారత గౌరవ పురస్కారం, కావేరి రత్న, సన్‌షైన్‌ పురస్కారాలు అందుకున్నారని చెప్పారు.