అడ్డగోలుగా గర్భవిచ్ఛితి

మండ్య, న్యూస్‌టుడే : పాండవపుర ఆరోగ్య శాఖ వసతి గృహాల సముదాయంలో లభించిన పిండాలకు సంబంధించి పోలీసులు దర్యాప్తు ముమ్మరం చేశారు. జిల్లా ఆరోగ్య అధికారి డాక్టర్‌ మోహన్‌, తాలూకా ఆరోగ్య అధికారి డాక్టర్‌ అరవింద్‌ నేతృత్వంలోని అధికారులు దాడి చేసి డి-గ్రూపు ఉద్యోగిని అశ్విని, అంబులెన్సు డ్రైవరు ఆనంద్‌, మరో మహిళను అరెస్టు చేశారు. ప్రభుత్వ వసతి గృహాల్లోనే అబార్షన్లు చేస్తున్నారని ప్రాథమిక దర్యాప్తులో గుర్తించారు. అబార్షన్‌ చేయించుకునేందుకు వచ్చిన ఒక మహిళను మందలించి, ఆమె వివరాలు తీసుకుని అక్కడి నుంచి పంపించారు.