భారాస అభ్యర్థి విజయాన్ని కాంక్షిస్తూ.. ఎన్నికల ప్రచారం

ఇల్లందు గ్రామీణం : ఉమ్మడి నల్గొండ , ఖమ్మం,  వరంగల్ జిల్లాల పరిధిలో పట్టభద్రుల భారాస ఎమ్మెల్సీ అభ్యర్థి ఎనుముల రాకేష్ రెడ్డి  విజయాన్ని కాంక్షిస్తూ... ఇల్లందులో ఎన్నికల ప్రచారం నిర్వహించారు. భారాస వ్యవస్థాపక సభ్యుడు దిండిగల రాజేందర్ ఆధ్వర్యంలో ఇల్లందు కోరగుట్ట నేచర్ పార్క్, సింగరేణి పాఠశాల క్రీడా మైదానం ప్రాంతాల్లో  మార్నింగ్‌ వాకర్స్‌ను కలిసి మాట్లాడారు.  ప్రశ్నించే గొంతుకకు అవకాశమివ్వాలని,  నిరుద్యోగులు, విద్యార్థుల సమస్యలపై పోరాడే  రాకేష్ రెడ్డికి ఓటు వేసి గెలిపించాలని కోరారు. ఆయన వెంట నాయకులు రంగనాథ్, సిలివేరు సత్యనారాయణ, గిన్నారపు రాజేష్, చాంద్ భాషా, మునిగంటి శివ, ఆదూరి రవి ఉన్నారు.