ఓటు వేయడానికి అవకాశం కల్పించాలి

ఆళ్లగడ్డ: ఆళ్లగడ్డ అసెంబ్లీ నియోజకవర్గ పరిధిలో ఎన్నికల నిర్వహణలో పాల్గొనే పీఓ, ఏపీఓలకు పట్టణంలోని వైపీపీఎం పాఠశాల ఆవరణలో శిక్షణ కార్యక్రమం నిర్వహించారు. ఈ కార్యక్రమంలో 590 మంది పోలింగ్ సిబ్బంది తమ ఓటు హక్కును వినియోగించుకోవాల్సి ఉంది. అయితే వీరిలో దాదాపు 70 మంది ఓటు హక్కు వినియోగించుకోలేకపోయారు. ఓటర్లకు సంబంధించిన జాబితా ఇంకా రావాల్సి ఉందని సాకుగా చూపుతూ తమను ఓటు వేయనీయకుండా అధికారులు అడ్డుకుంటున్నారని పోలింగ్‌ సిబ్బంది ఆరోపించారు. ఓటింగ్‌కు ఇంకా గడువు ఉందని ఆలోగా సమస్యను పరిష్కరిస్తామని అధికారులు అంటున్నా తమకు నమ్మకం లేదని వారు ఆవేదన వ్యక్తం చేస్తున్నారు.