ప్రమాదంలో పౌర హక్కులు

మాట్లాడుతున్న పౌర హక్కుల సంఘం రాష్ట్ర అధ్యక్షుడు లక్ష్మణ్‌

ఖలీల్‌వాడి, న్యూస్‌టుడే: దేశంలో పదేళ్లుగా పౌర హక్కులు ప్రమాదంలో పడ్డాయని పౌర హక్కుల సంఘం రాష్ట్ర అధ్యక్షుడు, ప్రొఫెసర్‌ గడ్డం లక్ష్మణ్‌ పేర్కొన్నారు. ఆదివారం ప్రెస్‌క్లబ్‌లో మువ్వా నాగేశ్వరరావు సంస్మరణ సభ నిర్వహించారు. జిల్లా పౌర హక్కుల ఉద్యమంలో నాగేశ్వరరావు క్రియాశీలకంగా పని చేశారని గుర్తు చేశారు. భాజపా ప్రభుత్వ నియంతృత్వ చర్యలను ఖండించాలన్నారు. కార్యక్రమంలో సంఘం రాష్ట్ర నాయకులు రవీందర్‌, సురేష్‌, సీపీఐ(ఎంఎల్‌)మాస్‌లైన్‌ జిల్లా కార్యదర్శి కృష్ణ, డీటీఎఫ్‌ రాష్ట్ర ఉపాధ్యక్షుడు శాంతన్‌, విశ్రాంత ఉద్యోగుల సంఘం నాయకులు రామ్మోహన్‌రావు, ఐఎఫ్‌టీయూ జిల్లా ప్రధాన కార్యదర్శి సుధాకర్‌ తదితరులు పాల్గొన్నారు.