అయిదేళ్లలో బొత్స సోదరుల ఆస్తులు రెట్టింపు

జనసేన అభ్యర్థి నాగమాధవి ఆస్తి రూ.894 కోట్లు

ఈనాడు, విజయనగరం, న్యూస్‌టుడే యంత్రాంగం: నామినేషన్ల పర్వం కొనసాగుతోంది. రెండో రోజు అధిక సంఖ్యలోనే దాఖలయ్యాయి. శృంగవరపుకోట అభ్యర్థి కడుబండి శ్రీనివాసరావు అఫిడవిట్‌ దాఖలు చేయలేదు. నెల్లిమర్ల నుంచి పోటీ చేస్తున్న లోకం నాగమాధవి కుటుంబ ఆస్తి రూ.894.92 కోట్లు ఉంది. ఈ కుటుంబానికి రూ.800 కోట్లకు పైగా విలువైన మిరాకల్‌ సాఫ్ట్‌వేర్‌ కంపెనీ ఉంది. ఈ అయిదేళ్లలో మంత్రి బొత్స కుటుంబ ఆస్తులు రెట్టింపు కంటే అధికంగానే పెరిగాయి. ఈ అయిదేళ్లలో ఆయన సోదరుడు గజపతినగరం వైకాపా అభ్యర్థి బొత్స అప్పలనరసయ్యకు ఆస్తులే కాదు అప్పులు సైతం పెరిగాయి. ఆయన వద్ద 35 తులాల బంగారం ఉండగా, అతని భార్య వద్ద 80 తులాల బంగారం ఉంది. సోదరుడు సత్యనారాయణ వద్ద 31 తులాల బంగారం ఉంది. అఫిడవిట్లలో అభ్యర్థులు పొందుపర్చిన ఆస్తులు, అప్పుల వివరాలు ఇలా ఉన్నాయి.