జేఈఈ మెయిన్స్‌లో విద్యార్థుల సత్తా

ఒంగోలు నగరం, న్యూస్‌టుడే: జేఈఈ మెయిన్స్‌ ఫలితాల్లో జిల్లా విద్యార్థులు సత్తాచాటారు. మంగమూరురోడ్డులోని శ్రీ సరస్వతి కళాశాల విద్యార్థి జి.వెంకట పవన్‌కుమార్‌ ఆలిండియా స్థాయిలో 335 ర్యాంకు సాధించగా, కె.సాకేత్‌ సాయిరాం 1736, ఆర్‌. చంద్రవిహారిక 2641 ర్యాంకు సాధించారు. కళాశాల ఛైర్మన్‌ ఏవీ రమణారెడ్డి, డైరెక్టర్లు గణేష్‌రెడ్డి, గంగా శంకరరెడ్డి విద్యార్థులను అభినందించారు. గోపీచంద్‌ ఓపెన్‌ కేటగిరీలో 99.33 పర్సంటైల్‌ సాధించినట్లు ఛైర్మన్‌ తెలిపారు.

• నారాయణ జూనియర్‌ కళాశాల విద్యార్థి వెంకట్‌ నిఖిల్‌ జేఈఈ ఆలిండియా స్థాయిలో 388 ర్యాంకు, సీహెచ్‌ ఓంకార్‌ వరుణ్‌ కాశీవిశ్వనాథ్‌ 1759 ర్యాంకు సాధించారు. వారిని డీన్‌ పిచ్చిరెడ్డి, ప్రిన్సిపల్స్‌ శ్రీనివాస్‌, సుజాత అభినందించారు.
• శ్రీప్రతిభ జూనియర్‌ కళాశాల విద్యార్థి వెన్న జయచంద్రారెడ్డి 535వ ర్యాంకు, కండ్లగుంట పూజిత 1423 ర్యాంకును కైవసం చేసుకుంది. వారిని ఛైర్మన్‌ నల్లూరి వెంకటేశ్వర్లు, వైస్‌ ఛైర్మన్‌ సీతారామాంజనేయులు, సీఈవో జయప్రకాష్‌ నారాయణ్‌ అభినందించారు.