శ్రీకూర్మంలో నిత్యాన్నదానం ప్రారంభం

- న్యూస్‌టుడే, గార

గార మండలం శ్రీకూర్మంలోని కూర్మనాథ క్షేత్రంలో స్వామి నిత్యాన్నదాన కార్యక్రమం మంత్రి ధర్మాన ప్రసాదరావు చేతులు మీదుగా బుధవారం ప్రారంభించారు. ముందుగా కూర్మనాథుని దర్శించుకున్నారు. అనంతరం మంత్రి మాట్లాడుతూ మూడేళ్ల కిందట అనుకున్న నిత్యాన్నదాన కార్యక్రమం కార్యరూపం దాల్చేందుకు దాతలు అందించిన సహకారం అభినందనీయమన్నారు. ప్రతి ఒక్కరికీ కృతజ్ఞతలు తెలియజేశారు. దేవాలయాలకు వచ్చే నిధులు సక్రమంగా వినియోగించేందుకు కచ్చితమైన ట్రస్టుబోర్డు ఏర్పాటు, పర్యవేక్షణ అవసరమన్నారు. ఈ కార్యక్రమానికి ట్రస్టుబోర్డు ఏర్పాటు దిశగా ఆలోచన చేయాలని దేవాదాయశాఖ అదనపు కమిషనర్‌ శిరీషకు సూచించారు. అర్చకులు, పాలకమండలి సభ్యులు, భక్తులు పాల్గొన్నారు.