భక్తుల తాకిడి

ఆదిత్యాలయానికి ఆదివారం భక్తులు అధిక సంఖ్యలో తరలివచ్చారు. దూరప్రాంతాల నుంచి వచ్చినవారు ఇంద్రపుష్కరిణిలో స్నానమాచరించి, సూర్యనమస్కారాల్లో పాల్గొన్నారు. పలువురు కేశఖండనశాలలో మొక్కులు తీర్చుకున్నారు. ఆదివారం స్వామికి టిక్కెట్ల రూపంలో రూ.4,41,300, పూజలు, విరాళాల ద్వారా రూ.67,359, ప్రసాదాల విక్రయాల రూపంలో రూ.3 లక్షలు ఆదాయం వచ్చిందని ఈవో వి.హరిసూర్యప్రకాశ్‌, ప్రధానార్చకులు ఇప్పిలి శంకరశర్మ తెలిపారు. ్త సాయంత్రం 6 గంటలకు ధర్మపథంలో భాగంగా ఆలయ అనివెట్టి మండపంలో విజయనగరం శ్రీవారి స్వచ్ఛంద సేవాసంస్థ వారితో గాత్ర కచేరి నిర్వహించారు.

న్యూస్‌టుడే, శ్రీకాకుళం అర్బన్‌