నీట్‌కు 13 మంది గైర్హాజరు

జనగామ అర్బన్‌, న్యూస్‌టుడే: జిల్లా కేంద్రంలోని రెండు పరీక్ష కేంద్రాల్లో ఆదివారం జరిగిన జాతీయ అర్హత ప్రవేశ పరీక్ష (నీట్‌) ప్రశాంతంగా ముగిసింది. మధ్యాహ్నం 2 గంటల నుంచి జరిగిన పరీక్షకు ఉదయం 11 నుంచే విద్యార్థులను కేంద్రాల్లోకి అనుమతించారు. ఉన్నతాధికారులు సూచించిన మేరకు నిర్ణీత సమయంలోగా చేరుకున్నారు. విద్యార్థులకు ఎలాంటి ఇబ్బందులు కలగకుండా అధికారులు పకడ్బందీ ఏర్పాట్లు, బందోబస్తు చేపట్టారు. ప్రతి విద్యార్థిని క్షుణ్నంగా పరిశీలించిన తర్వాతే కేంద్రాల్లోకి అనుమతించారు. జిల్లాలో మొత్తం 702 మంది విద్యార్థులకు గాను 689 మంది హాజరు కాగా 13 మంది గైర్హాజరయ్యారని నీట్‌ పరీక్ష జనగామ కోఆర్డినేటర్‌ శిల్పా తెలిపారు.