అర్హులందరికీ సంక్షేమ పథకాలు

దెందులూరు : అర్హత ఉన్న ప్రతి ఒక్కరికీ ప్రభుత్వం అమలు చేస్తున్న సంక్షేమ పథకాలు అందేలా ప్రభుత్వం తగిన చర్యలు తీసుకుంటోందని దెందులూరు ఎమ్మెల్యే కొటారు అబ్బయ్య చౌదరి అన్నారు. దెందులూరు మండలం గోపన్నపాలెంలో ‘గడప గడపకు మన ప్రభుత్వం’ కార్యక్రమం శనివారం నిర్వహించారు. ఈ సందర్భంగా ఎమ్మెల్యే ప్రభుత్వం అమలు చేస్తున్న సంక్షేమ పథకాలను వివరించారు. అదేవిధంగా ఆయా వివరాలకు సంబంధించిన కరపత్రాలను పంపిణీ చేశారు. సమస్యలు అడిగి తెలుసుకుని పరిష్కారానికి దశలవారీగా చర్యలు చేపడతామన్నారు. కార్యక్రమంలో సర్పంచి నాగమల్లేశ్వరి, జడ్పీటీసీ సభ్యురాలు లీలా నవకాంతం, ఎంపీపీ సుమలత, ఎంపీటీసీ సభ్యులు ప్రభుదాసు, అంజలి, పలు శాఖల అధికారులు, గ్రామస్థులు పాల్గొన్నారు.