పేద విద్యార్థులకు ఉచిత విద్య

ఏలూరు అర్బన్‌, న్యూస్‌టుడే: ప్రతిభ కలిగిన ఎస్సీ, ఎస్టీ, బీసీ-సీ కేటగిరీకి చెందిన పేద విద్యార్థులకు ఉచిత విద్య అందించనున్నట్లు స్పృహ ఎడ్యుకేషనల్‌ ఎంపవర్‌మెంట్‌ ట్రస్ట్‌ కార్యనిర్వాహక కమిటీ సభ్యుడు ఎ.సర్వేశ్వరరావు తెలిపారు. ఏలూరులో సోమవారం నిర్వహించిన పాత్రికేయుల సమావేశంలో ఆయన మాట్లాడుతూ ఏపీ కేజీబీవీ పాఠశాలల సంచాలకుడు డి.మధుసూదనరావు సారథ్యంలో ఏర్పడిన ట్రస్ట్‌ ద్వారా ఉచిత విద్య అందిస్తున్నామన్నారు. విద్యార్థులు ఈ నెల 7లోగా దరఖాస్తు చేసుకోవాలన్నారు. వివరాల కోసం ఏలూరు జిల్లా విద్యార్థులు 94408 28661, పశ్చిమగోదావరి జిల్లా వారు 63028 78872 నంబర్లలో సంప్రదించాలని సూచించారు.