రాష్ట్ర భవిష్యత్తు కోసం ఎన్డీయేను గెలిపించండి

కైకలూరులో నారా రోహిత్‌, కామినేని ప్రచారం

కైకలూరు, న్యూస్‌టుడే: వైకాపా అయిదేళ్ల పాలనలో రాష్ట్రం అవినీతిమయంగా తయారైందని, భావితరాల భవిష్యత్తు కోసం కూటమి అభ్యర్థులను గెలిపించుకోవాలని సినీ హీరో నారా రోహిత్‌ అన్నారు. కైకలూరు ఎమ్మెల్యే, ఎంపీ అభ్యర్థులు కామినేని శ్రీనివాస్‌, పుట్టా మహేష్‌ యాదవ్‌ల తరఫున ఎన్నికల ప్రచారం నిర్వహించారు. రాష్ట్రాన్ని అభివృద్ధి చేయలేక ముఖ్యమంత్రి జగన్‌ అబద్దాలతోనే ప్రజలను ఓట్లు అభ్యర్థిస్తున్నారని ఆరోపించారు. అంతకుముందు కైకలూరు ఎన్డీయే కార్యాలయం నుంచి కామినేని శ్రీనివాస్‌తో కలిసి సంత మార్కెట్‌, రైల్వేస్టేషన్‌ రోడ్డు, తాలూకా, మాగంటి కూడలిలో ర్యాలీ నిర్వహించారు. సినీ నటులు కారుమంచి రఘు, మహేష్‌, నాయకులు త్రినాధరాజు, పూల రామచంద్రరావు తదితరులు పాల్గొన్నారు.