పులివర్తి నానిపై హత్యాయత్నం ఘటనలో

13 మంది కడప కేంద్ర కారాగారానికి తరలింపు

కడప, నేరవార్తలు, న్యూస్‌టుడే : చిత్తూరు జిల్లా చంద్రగిరి తెదేపా అభ్యర్థి పులివర్తి నానిపై హత్యాయత్నానికి పాల్పడిన 13 మందిని 14 రోజుల రిమాండు నిమిత్తం కడప కేంద్ర కారాగారానికి తరలించారు. వీరిలో ప్రధాన నిందితులైన భానుకుమార్‌రెడ్డి, గణపతిరెడ్డితో పాటు మరో 11 మందిని  ప్రత్యేక బందోబస్తు మధ్య కేంద్ర కారాగారానికి తరలించారు. ఈ నెల 14న తిరుపతిలోని పద్మావతి మహిళా విశ్వవిద్యాలయంలో స్ట్రాంగ్‌ గదుల పరిశీలనకు వెళ్లి నానిపై వైకాపా నాయకులు దాడులకు పాల్పడి ఆయనపై హత్యాయత్నం చేయడంతో పాటు వాహనాలు ధ్వంసం చేశారు. ఈ ఘటనలో నాని త్రుటిలో ప్రాణాపాయం నుంచి తప్పించుకున్న విషయం తెలిసిందే. బాధితుల ఫిర్యాదు మేరకు తిరుపతి పోలీసులు కేసు నమోదు చేసి నిందితులను తిరుపతి ఏడీజే కోర్టులో హాజరుపరచగా న్యాయమూర్తి 14 రోజుల రిమాండు విధించారు. ఈ మేరకు నిందితులను గురువారం సాయంత్రం కడప కేంద్రకారాగారానికి తరలించారు.