ఏడేళ్లనంతరం గండికోట జలాల తగ్గుముఖం

అడుగంటుతున్న గండికోట జలాశయంలోని నీటిమట్టం

కొండాపురం, న్యూస్‌టుడే: ఏడేళ్లనంతరం గండికోట జలాశయంలో నీటి మట్టం పూర్తిగా తగ్గిపోయి 2.9 టీఎంసీలకు చేరింది. జలాశయానికి తొలిసారిగా 2013, సెప్టెంబరులో నంద్యాల జిల్లా అవుకు జలాశయం నుంచి కృష్ణా జలాలను తరలించి మూడు టీఎంసీల నీటిని నిల్వ చేశారు. అనంతరం 2015లో 5.5 టీఎంసీలు, 2017లో 8, 2018లో 12, 2020, డిసెంబరులో ఏకంగా 26.85 టీఎంసీలు నిల్వ చేశారు. 2021 నుంచి 2023 వరకు ప్రాజెక్టులో 24 టీఎంసీల నీరు నిల్వ ఉంది. అనంతరం తీవ్ర వర్షాభావ పరిస్థితుల నేపథ్యంలో పలు ప్రాజెక్టులకు నీటిని తరలించడంతో జలాశయంలో డెడ్‌ స్టోరేజీ (కనిష్ఠ స్థాయి)కి నీరు చేరింది.