మహబూబాబాద్‌ శాసనసభ నియోజకవర్గం నుంచి మేనబావ, బావమరుదులు వరసగా వేర్వేరు పార్టీల నుంచి ఎమ్మెల్యేగా ఎన్నికయ్యారు. కురవి మండలం కందికొండ గ్రామానికి చెందిన బండి పుల్లయ్య 1994లో సీపీఐ నుంచి మిత్రపక్షాల అభ్యర్థిగా పోటీ చేసి కాంగ్రెస్‌ అభ్యర్థి జెన్నారెడ్డి జనార్దన్‌రెడ్డిపై విజయం సాధించారు. 1999 ఎన్నికల్లో పుల్లయ్య మేనమామ కుమారుడు పెద్దవంగరకు చెందిన శ్రీరాంభద్రయ్య తెదేపా నుంచి పోటీ చేసి కాంగ్రెస్‌ అభ్యర్థి వి.రాజవర్ధన్‌రెడ్డిపై గెలుపొందారు. వీరిద్దరు  ఒకే కళాశాలలో కలిసి చదువుకున్న సహచర విద్యార్థులు కూడా కావడం గమనార్హం.

- న్యూస్‌టుడే, మహబూబాబాద్‌