మిర్యాలగూడ: ఐటీ సోదాలపై మిర్యాలగూడ ఎమ్మెల్యే, భారాస అభ్యర్థి నల్లమోతు భాస్కర్‌రావు స్పందించారు. ఎన్నికల్లో గెలవలేకే ఇలాంటి కుట్రలు చేస్తున్నారని ఆయన ఆరోపించారు. వేములపల్లిలో ఎన్నికల ప్రచారం నిర్వహించిన ఆయన.. ఐటీ అధికారుల సోదాలపై మీడియాతో మాట్లాడారు. 

‘‘ఐటీ అధికారులు ఎవరూ నన్ను కలవలేదు. రైస్‌ మిల్లుల పైనే దాడులు జరుగుతున్నాయి. రైస్‌ మిల్లర్లతో నాకు ఎలాంటి సంబంధం లేదు. కుట్రలో భాగంగానే ప్రతిపక్షాలు నాపై ఆరోపణలు చేస్తున్నాయి. నాకు ఎలాంటి కంపెనీలు లేవు. నా దగ్గర డబ్బులు లేవు.. ఎక్కడైనా చూపిస్తే ఇచ్చేస్తా’’ అని నల్లమోతు భాస్కర్‌రావు వ్యాఖ్యానించారు.