Solo traveling : ఒంటరిగా విహార యాత్ర ప్లాన్ చేస్తున్నారా.. ఈ దేశాలు చాలా సేఫ్!
జీవితంలో ఒక్కసారైనా ఒంటరిగా విదేశాల్లో విహారయాత్ర (Solo traveling) చేయాలని కొందరు పరితపిస్తుంటారు. అయితే, వెళ్లిన ప్రదేశంలో భద్రత (safety) ఎలా ఉంటుందోననే భయంతో వెనుకాడుతుంటారు. ప్రపంచంలోని (World) ఈ కొన్ని దేశాలు చూడదగ్గ ప్రదేశాలతో.. ఒంటరి ప్రయాణానికి అనుకూలంగా ఉంటాయి. అవేంటో పరిశీలించండి.
సోలో ట్రావెలింగ్.. (Solo traveling) అంటే ఒంటరి ప్రయాణం. ఈ ప్రయాణంలో స్నేహితులు, కుటుంబ సభ్యులు, ట్రావెల్ గ్రూప్ ఇలా ఎవరూ తోడుండరు. ఎక్కడికి వెళ్లాలన్నా సొంతంగా నిర్ణయం తీసుకోవాల్సి ఉంటుంది. అందుకు తగినట్లే ఆయా ప్రాంతాల్లో చూడదగ్గ ప్రదేశాలతోపాటు స్వేచ్ఛ (Freedom), భద్రత (safety) తప్పనిసరిగా ఉండి తీరాలి. ఈ దేశాలు ఒంటరి ప్రయాణాలకు చాలా అనువుగా ఉంటాయి. వాటిపై ఓ లుక్కేయండి.
క్యోటో-జపాన్
జపాన్లోని క్యోటో నగరం ఒంటరి ప్రయాణానికి చాలా అనుకూలమైనది. అక్కడి ఆహ్లాదకర వాతావరణాన్ని ఆస్వాదిస్తూ వివిధ ప్రాంతాలను చుట్టేయొచ్చు. ఈ నగరంలో అనేక దర్శనీయ ఆలయాలు, పుణ్యక్షేత్రాలున్నాయి. జపాన్ సంస్కృతిలో టీ ఒక భాగం. అందుకే స్థానిక కెఫేకు వెళ్లి ఓ టీ తాగడం మర్చిపోవద్దు. జపాన్ పౌరులు ఎవరైనా మీతో స్నేహం చేస్తే తప్పకుండా వారి ఇంటికి టీ తాగడానికి ఆహ్వానించే అవకాశం ఉంది. ఇక్కడ పగలు, రాత్రి అనే ఉండదు. నేర గణాంక సూచీ ప్రకారం చూస్తే ఈ నగరంలో క్రైమ్ రేటు చాలా తక్కువ. స్థానిక నిషీ మార్కెట్, షోసీన్ గార్డెన్ ఆహ్లాదకర అనుభూతినిస్తాయి. క్యోటో నగరం ప్రపంచంలోకెల్లా భిన్నమైన సంస్కృతిని ప్రతిబింబిస్తుంటుంది. ఒంటరి ప్రయాణికులకు ఈ నగరం ఓ మరపురాని అనుభూతినిస్తుంది.
ఆక్లాండ్-న్యూజిలాండ్
న్యూజిలాండ్లోని ఆక్లాండ్ నగరం చుట్టూ ప్రకృతి రమణీయ దృశ్యాలు సాక్షాత్కరిస్తాయి. ఈ నగరం ఎల్లప్పుడూ సందడిగా ఉంటుంది. స్థానికులు బయటివారిని స్నేహపూర్వకంగా పలకరిస్తారు. ఆక్లాండ్ కూడా చాలా సురక్షిత నగరం. పగటి పూట స్థానికులను సహాయం అడిగితే తక్షణమే స్పందిస్తారు. ఇక్కడ రుచులకు ఎలాంటి లోటు ఉండదు. అంతర్జాతీయ స్థాయిలో అన్ని రకాల వంటకాలు లభిస్తాయి. సుషి, పిజ్జా దొరుకుతాయి. హియాకై రెస్టారెంట్లో సంప్రదాయ మౌరీ డిషెస్ ఉంటాయి. ఆక్లాండ్ చుట్టూ ఉన్న పిహా బ్లాక్ సాండ్ బీచ్లు, ఎత్తయిన అగ్నిపర్వతాలు, దట్టమైన అడవులను సందర్శించొచ్చు.
రెక్యావిక్-ఐస్లాండ్
ఐస్లాండ్ రాజధాని రెక్యావిక్ చూడటానికి చాలా చిన్నగా.. అందంగా ఉంటుంది. అందువల్ల బైక్పై లేదా నడుస్తూనే వివిధ ప్రాంతాలను అన్వేషించవచ్చు. ఈ నగరంలోని హాల్గ్రిమ్స్కర్క్యా చర్చి నిర్మాణ కౌశలాన్ని చూసి తీరాల్సిందే. ఇక్కడ నేరాలు చాలా తక్కువగా నమోదవుతుంటాయి. ప్రకృతి రమణీయ దృశ్యాలు ఐస్లాండ్లోని ప్రతి మూలనా కన్పిస్తాయి. ఎత్తయిన జలపాతాలు మొదలుకొని రగులుతున్న అగ్నిపర్వతాల వరకు అన్నీ ఇక్కడ చూడొచ్చు. హైకింగ్ ద్వారా స్కెల్జానెస్ వ్యూపాయింట్కు చేరుకోవచ్చు. ప్రశాంతంగా స్కై లగూన్ వేడినీటి మడుగులో స్నానం చేయవచ్చు. సమీప ప్రాంతాల్లో తిమింగలాలను చూసే వెసులుబాటు ఉంటుంది. ప్రపంచ నలుమూలల నుంచి ట్రావెలింగ్ కోసం ఇక్కడకు అనేక మంది వస్తుంటారు. దాంతో కేఫ్లు, కచేరీలు, కళా ప్రదర్శనలకు కొదవుండదు. మిగతా ప్రపంచంతో సంబంధం లేకుండా నార్తన్ లైట్స్, మంచు కొండలు వంటి ప్రకృతి రమణీయ దృశ్యాలను చూస్తూ మరో ఊహాలోకంలో విహరించవచ్చు.
సిడ్నీ-ఆస్ట్రేలియా
ఆస్ట్రేలియాలోని సిడ్నీ నగరంలో ఒంటరి ప్రయాణం చేస్తే మిశ్రమ అనుభూతులు సొంతం చేసుకోవచ్చు. ఒపెరా హౌస్ మొదలుకొని అందమైన బీచ్ల వరకు ఎన్నో చూడొచ్చు. సిడ్నీకి వెలుపల బ్లూ మౌంటెన్స్ ప్రత్యేక ఆకర్షణగా నిలుస్తాయి. ఆస్ట్రేలియన్లు చాలా స్నేహపూర్వకంగా మెలుగుతారు. ఆసక్తి ఉంటే టూర్లకు వచ్చే విదేశీయులతో స్నేహం చేయొచ్చు. ఇక్కడి ఎడిన్ బర్గ్ క్యాజిల్లో సముద్ర జీవులతో చేసిన వంటకాలు నోరూరిస్తాయి.
చియాంగ్ మై-థాయిలాండ్
థాయ్ సంస్కృతిని ఇష్టపడేవారికి చియాంగ్ మై చాలా బాగా నచ్చుతుంది. థాయ్, లన్నా, బర్మేస్ సమ్మేళనం కారణంగా ఈ నగరానికి ప్రత్యేక చరిత్ర ఉంది. ఈ ప్రాంతంలో అనేక దేవాలయాలను సందర్శించవచ్చు. ఇక్కడ రాత్రిపూట మార్కెట్లు కళకళలాడుతుంటాయి. వాటిలో స్థానిక వంటకాలు ఎలా తయారు చేయాలో నేర్పించడానికి కుకింగ్ క్లాస్లను కూడా నిర్వహిస్తుంటారు. కొంత నగదు చెల్లించి నేర్చుకోవచ్చు. ఇక థాయ్ రుచులకు ప్రత్యేక స్థానం ఉంది. కారంగా ఉండే కూరలు మొదలుకొని రుచికరమైన నూడుల్స్ వరకు అన్నీ దొరుకుతాయి. సాహసాలు ఇష్టపడేవారు అడవుల్లో ట్రెక్కింగ్ చేయవచ్చు. జిప్లైనింగ్, ట్రీటాప్స్ వంటి క్రీడలు ఉల్లాసాన్ని కలిగిస్తాయి. ఏనుగుల అభయారణ్యాన్ని సందర్శించవచ్చు. అలసిన శరీరానికి థాయ్ మసాజ్తో ఉపశమనం దొరుకుతుంది. వైల్డ్ రోజ్ యోగా స్టూడియోలో తరగతులు బోధిస్తారు.
ప్యూర్టో వీజో-కోస్టారికా
ప్యూర్టో వీజో ప్రకృతి ప్రేమికులకు ఒక స్వర్గంలాంటిది. కరేబియన్ తీరంలోని ఈ పట్టణం చుట్టూ దట్టమైన వర్షారణ్యాలున్నాయి. వాటిలో వన్యప్రాణులు సంచరిస్తుంటాయి. సహజ సిద్ధమైన బీచ్ల అందాలు మైమరపింపజేస్తాయి. ఆసక్తి ఉన్నవారు హైకింగ్, సర్ఫింగ్ చేయొచ్చు. పుంట ఉవా అరెసిఫీ అనే ప్రాంతంలో సముద్ర గర్భ అందాలను తిలకించేందుకు స్నార్కెలింగ్కు వెళ్లొచ్చు. ఆఫ్రో-కరీబియన్ సంస్కృతి ఇక్కడ కన్పిస్తుంది. పట్టణ వీధుల్లోని గోడలపై రంగురంగుల భారీ చిత్రాలు ఆకట్టుకుంటాయి. బియ్యం, బీన్స్, సముద్ర జీవులు, అరటికాయలతో తయారు చేసిన వంటకాలు ఇక్కడ ప్రత్యేకంగా లభిస్తాయి.
స్టాక్హోం-స్వీడన్
స్టాక్హోం నగరం అద్భుతమైన శిల్పసౌందర్యానికి ప్రతీక. పార్క్లు, వాటర్ఫాంట్స్ మైమరపింపజేస్తాయి. వాసా మ్యూజియంలో పురాతన ఓడలను భద్రపరిచారు. ఫొటోగ్రాఫిస్కాలో రకరకాల గ్యాలరీలను వీక్షించొచ్చు. బోట్ టూర్లో చుట్టుపక్కల ద్వీప సమూహాలకు వెళ్లొచ్చు. ఇక స్టాక్హోం నగరం గుండా ప్రయాణిస్తే మనోహరమైన కట్టడాలు తారసపడతాయి. కెఫేలు, రెస్టారెంట్లలోకి వెళ్లి స్థానికులతో పరిచయం పెంచుకోవచ్చు. ఈ నగరంలో ఎక్కడికైనా నడుస్తూనే వెళ్లిపోవచ్చు. అలా వెళ్లడం ఇష్టం లేకపోతే ప్రజా రవాణా సౌకర్యాలున్నాయి. ఆహారం విషయానికి వస్తే మీట్బాల్స్, ఫ్రైడ్ హెర్రింగ్ అద్భుతమైన అనుభూతినిస్తాయి.
బుడాపెస్ట్-హంగరీ
బుడాపెస్ట్లోని పార్లమెంట్ భవనం ఓ రాయల్ లుక్లో దర్శనమిస్తుంది. ఈ నగరంలో థర్మల్ బాత్ ప్రదేశాలు ఆకట్టుకుంటాయి. సెయింట్ స్టీఫెన్ బసిలికాలో నిత్యం కచేరీలు జరుగుతుంటాయి. ఈ నగరంలోని హీరోస్ స్క్వేర్ను ఎక్కువ మంది పర్యాటకులు సందర్శిస్తుంటారు. గౌలాష్, చిమ్నీ కేక్ ఇక్కడ ప్రత్యేక వంటకాలు. బుడాపెస్ట్లో ధరలు అందుబాటులో ఉంటాయి. బడ్జెట్ ఫ్రెండ్లీ యాత్రకు అనువుగా ఉంటుంది.
డబ్లిన్-ఐర్లాండ్
ఎక్కడికైనా ఒంటరిగా ప్రయాణించేందుకు డబ్లిన్ నగరం అనుకూలంగా ఉంటుంది. ఇక్కడి టెంపుల్ బార్ ప్రాంతంలో రోడ్లన్నీ సందడిగా కనిపిస్తాయి. చారిత్రక ట్రినిటీ కళాశాల భవనం ఆకట్టుకుంటుంది. గిన్నిస్ స్టోర్ హౌస్, జేమ్సన్ డిస్టిలరీ సహా అనేక మ్యూజియాలను సందర్శించవచ్చు. ఐర్లాండ్ సంగీత కచేరీలకు ఫేమస్. కావున ఈ నగరంలోనూ అక్కడక్కడా సంగీత కచేరీలు నిత్యం జరుగుతుంటాయి. ఐరిష్ స్ట్యూ, తాజా సీ ఫుడ్, చీజ్ వంటకాలు నోరూరిస్తాయి. అన్ని పండగలు ఆడంబరంగా చేస్తారు. సెయింట్ ప్యాట్రిక్ డే పరేడ్, డబ్లిన్ థియేటర్ ఫెస్టివల్, బ్లూమ్స్ డే ఫెస్టివల్ ఇలా ఏవో ఒకటి జరుగుతూనే ఉంటాయి.
బాలి-ఇండోనేసియా
ప్రశాంతంగా విశ్రాంతి తీసుకోవడానికి బాలి అనువైన ప్రాంతం. ఈ ద్వీపంలో కాంగూ, జంబారన్ సహా అనేక బీచ్లు తీరం వెంట కనిపిస్తాయి. కేవలం ఇండోనేసియా వంటకాలే కాకుండా ఇండియా, చైనా ఆహార పదార్థాలు కూడా ఇక్కడ దొరుకుతాయి. స్థానిక మార్కెట్లు నిత్యం రద్దీగా కన్పిస్తాయి. పొలాలు వైవిధ్యంగా మెట్లను పోలి ఉంటాయి.
- ఇంటర్నెట్ డెస్క్ ప్రత్యేకం
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
విద్యార్థి దశలో రాసిన కావ్యం.. పరీక్షలో అతడికే ప్రశ్నగా వచ్చిన వేళ!
ఒక విద్యార్థి తాను రాసిన పుస్తకంపై పరీక్షలో తిరిగి జవాబుగా రాయడం ఒక అద్భతఘట్టమే అని చెప్పవచ్చు. -
అప్పట్లో ‘Y2K’ భయం.. ఇప్పుడు ‘క్రౌడ్స్ట్రైక్’ ఎఫెక్ట్!
2000లో డెస్క్టాప్ యుగం నడుస్తోన్న వేళ ‘వై2కే’ రూపంలో వచ్చిన ఉప ద్రవం ప్రపంచ దేశాలను కలవరపాటుకు గురిచేసింది. -
మన్సా మూసా.. ఈయన ముందు మస్క్ చాలా చిన్నోడు!
ప్రస్తుతం విశ్వకుబేరుడిగా ఖ్యాతికెక్కిన ఎలాన్ మస్క్ కన్నా దాదాపు రెండు రెట్ల సంపద ఒక వ్యక్తి వద్ద ఉండేది. ఆయనెవరో తెలుసా..! -
నటరాజు నర్తించిన దివ్యధాత్రి.. జటాజూట విన్యాస క్షేత్రస్థలి
త్రినేత్రుడు స్వయంగా భూమిపై ఐదుసార్లు నాట్యం చేసినట్టు ప్రాచీన వాజ్మయం ద్వారా తెలుస్తోంది. ఆ ఐదు క్షేత్రాలు తమిళనాడులో ఉన్నాయి. -
అబ్రహం లింకన్ నుంచి ట్రంప్ వరకు..నాయకులే లక్ష్యంగా దాడులు..!
రాజకీయ హింసకు సంబంధించిన ఘటనలు అగ్రరాజ్యానికి కొత్తేమీ కాదు. పలువురు మాజీ అధ్యక్షులు, పార్టీల అధ్యక్ష అభ్యర్థులు ఈ తరహా దాడులను ఎదుర్కొన్నారు. -
అంబానీ ఇంట పెళ్లి.. ఏడు నెలల వేడుక, రూ.వందల కోట్లు ఖర్చు!
అనంత్-రాధికా మర్చంట్ ఎంగేజిమెంట్ ఏడు నెలల క్రితం జరగగా.. జులై 12న ఏడడుగులతో ఒక్కటి కానున్నారు. -
ఆడతోడు కోసం అలుపెరగని.. రెండు ‘సింహాల సాహసయాత్ర’!
ఓ ఆడతోడు కోసం రెండు సింహాలు అలుపెరగకుండా సాహస ప్రయాణం చేసిన ఘటన ఆఫ్రికాలో చోటుచేసుకుంది. -
వారానికి 150 నిమిషాలైనా.. వ్యాయామం చేయకపోతే ...
మన శరీరానికి ఆహారం, నీరు ఎంత అవసరమో వ్యాయామమూ(exercise) అంతే ముఖ్యం. మనదేశంలో సగంమందికి పైగా వయోజనులు ఆ విషయాన్ని గుర్తించడం లేదు. ఎలాంటి శారీరక శ్రమ లేకుండా రోజులు వెళ్లదీస్తున్నారని తాజాగా ఓ అధ్యయనం వెల్లడించింది. -
నచ్చని ‘బాస్’లను అమ్మేస్తున్నారిలా.. జాబ్ మార్కెట్లో నయా ట్రెండ్!
చైనాలో ఇప్పుడు సరికొత్త ట్రెండ్ వైరల్ అవుతోంది. పలువురు ఉద్యోగులు తమకు నచ్చని ఉద్యోగాలను, బాస్లను, సహోద్యోగులను ఆన్లైన్లో అమ్మకానికి పెడుతున్నారు. -
ఐదుగురు ప్రధానులు మారినా.. ‘వేటగాడు’ మాత్రం అక్కడే!
బ్రిటన్ ప్రధానమంత్రి అధికారిక నివాసం ‘10 డౌనింగ్ స్ట్రీట్’లో గత 14ఏళ్లలో ఐదుగురు ప్రధానులు మారినప్పటికీ.. ల్యారీ అనే పిల్లి మాత్రం అక్కడే మకాం వేసింది. -
రిషి సునాక్కు షాకిచ్చిన బారిస్టర్.. ఎవరీ కీర్ స్టార్మర్..?
Keir Starmer: బ్రిటన్ పార్లమెంట్ ఎన్నికల్లో లేబర్ పార్టీ అఖండ విజయం సాధించింది. దీంతో ఆ పార్టీ నాయకుడు కీర్ స్టార్మర్ నూతన ప్రధానిగా బాధ్యతలు చేపట్టబోతున్నారు. ఇంతకీ ఎవరాయన..? -
కాళ్లకింద నలిగిపోతున్న ప్రాణాలు.. భారత్లో ఈ తరహా భారీ ఘటనలివే!
Stampedes: ఉత్తర్ప్రదేశ్లోని హాథ్రస్లో జరిగిన తొక్కిసలాటలో 116 మందికిపైగా ప్రాణాలు కోల్పోయారు. దేశంలో గతంలో చోటు చేసుకున్న ఈ తరహా ఘటనలను ఓ సారి పరిశీలిస్తే.. -
ఆ క్షిపణి చైనాను కొడుతుందా? అయితే ఓకే.. ఆ దీవిని ఇస్తాను..
ఒడిశా తీరంలోని వీలర్ దీవిని ‘డీఆర్డీవో’కు కేటాయించడం వెనుక దాగిఉన్న ఆసక్తికర కథనం ఇది.. -
రింగురింగులుగానే టెలిఫోన్ రిసీవర్ వైరు.. ఎందుకో తెలుసా?
టెలిఫోన్ రిసీవర్ వైరు రింగురింగులా ఉంటుంది. మనం చాలాసార్లు దీనిని చూసినా అలాగే ఎందుకుంటుందో పెద్దగా పట్టించుకోం. అది కచ్చితంగా ఆలాగే ఎందుకుండాలి? -
హెలికాప్టర్లతో లక్షలాది ‘మగ దోమలు’ విడుదల.. ఎందుకంటే!
కనుమరుగయ్యే ప్రమాదమున్న పలు రకాల అరుదైన పక్షులను కాపాడుకునేందుకు లక్షలాది దోమలను విడిచిపెడుతున్నారు. -
ఎన్నిక ఎరుగని ‘స్పీకర్’ పీఠం.. చరిత్ర తిరగరాస్తారా?
స్వాతంత్ర్యం వచ్చినప్పటి నుంచి లోక్సభ స్పీకర్ ఎన్నిక ఏకాభిప్రాయంతోనే జరుగుతోంది. -
అన్నమో రామచంద్రా నుంచి.. అన్నపూర్ణగా..!
పట్టెడు అన్నం కోసం బిడ్డలను అమ్ముకునే పరిస్థితుల నుంచి అన్నపూర్ణగా ఎదిగిన ఒడిశా రాష్ట్రంలోని కలహండి జిల్లా విజయ గాథ ఇది. -
ఎనిమిదోసారి.. లోక్సభలో ‘సీనియర్ మోస్ట్’ ఎంపీలు!
ఇంద్రజిత్ గుప్తా, వాజ్పేయీ, కమల్నాథ్ వంటి దిగ్గజ నేతల నుంచి మేనకాగాంధీ, సంతోష్ కుమార్ గంగ్వార్ వంటి నేతలు దశాబ్దాల పాటు లోక్సభకు ప్రాతినిధ్యం వహించారు. -
కణకణలాడుతున్న కాంక్రీట్ జంగిల్స్.. నగరాలకే ఈ నరకం ఎందుకో?
దేశ రాజధాని దిల్లీతోపాటు వివిధ మెట్రోపాలిటన్ నగరాల్లో రికార్డు స్థాయి ఉష్ణోగ్రతలు నమోదవుతున్నాయి. వివిధ నగరాల్లో ఇదే పరిస్థితి కనిపిస్తోంది. గ్రామీణ ప్రాంతాల్లో కంటే.. నగరాలు, పట్టణాల్లో మాత్రం ఎండలు భయపెడుతున్నాయి. దీనికి కారణాలేంటి? -
వారానికి ఎంత బరువు తగ్గొచ్చు.. నిపుణులు ఏం చెబుతున్నారంటే!
ఊబకాయ ముప్పును ఎదుర్కొనేందుకు ఆరోగ్యకరమైన ఆహారపు అలవాట్లతోపాటు నిత్యం వ్యాయామం వంటి ద్విముఖ విధానం అవసరమని స్పష్టం చేస్తున్నారు. -
మిలమిల మెరిసి.. మాయమవుతున్న చుక్కలు!
కొన్నేళ్లుగా నక్షత్రాలు అదృశ్యమవుతున్న తీరు అంతరిక్ష శాస్త్రవేత్తలను కలవరపాటుకు గురి చేస్తోంది. గత 70 ఏళ్లలో దాదాపు 800 నక్షత్రాలు కనిపించకుండా పోయినట్టు వారు వెల్లడించారు.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
‘భారతితో వివేకా హత్యకేసు నిందితుడి సెల్ఫీ’.. దానికేం సమాధానం చెబుతారు జగన్?
-
రైళ్ల రీ షెడ్యూల్.. గమ్యాల కుదింపు
-
రైలుబండి.. దొంగలున్నారు జాగ్రత్తండీ
-
ఆటల్లో మనమెక్కడ?ఐదేళ్ల వైకాపా పాలనలో క్రీడలపై తీవ్ర నిర్లక్ష్యం
-
మంచి దొంగ!.. చోరీకొచ్చి.. నీళ్లు తాగి.. డబ్బులు పెట్టి
-
గుడిమెట్ల కొండల్లో వజ్రాల వేట