Raccoon dog : వుహాన్ మార్కెట్లో రాకూన్ జాతి కుక్కలు.. ఎలా ఉంటాయో తెలుసా!
ప్రపంచాన్ని గడగడలాడించిన కరోనా మహమ్మారి ఎక్కడ పుట్టింది అనే ప్రశ్నకు ఇప్పటివరకు స్పష్టమైన సమాధానం దొరకలేదు. వుహాన్ ల్యాబ్, చేపలు, గబ్బిలాలు, అలుగు.. ఈ జాబితాలోకి తాజాగా రాకూన్ జాతి కుక్కలు చేరిపోయాయి.
ఇటీవల చైనా(China)లోని వుహాన్(wuhan)లో హువానాన్ టోకు చేపల మార్కెట్ నుంచి సేకరించిన డేటాను అంతర్జాతీయ శాస్త్రవేత్తల బృందం విశ్లేషించింది. మార్కెట్లో విక్రయించే రాకూన్ జాతి కుక్కల(Raccoon dog) జన్యుపదార్థంలో కొవిడ్(Covid) కారక సార్స్కోవ్-2 వైరస్ ఆనవాళ్లు కనిపించాయని తేలింది. దీన్నిబట్టి కొవిడ్ కారక కరోనా వైరస్ ప్రయోగశాలలో కృత్రిమంగా సృష్టించినది కాదనీ, అది ప్రకృతిలో సహజంగానే ఉత్పన్నమై ఉండవచ్చని కూడా భావిస్తున్నారు. ఈ నేపథ్యంలో రాకూన్ జాతి కుక్కలు(Raccoon dog) ఎలా ఉంటాయి? ఎక్కడ ఉన్నాయి? అనే విషయాలు తెలుసుకుందాం.
ఏంటీ రాకూన్ జాతి కుక్కలు?
రాకూన్ జాతి కుక్కలు క్యానిడ్ ఫ్యామిలీకి చెందినవి. ఇవి ఇంచు మించు నక్క జాతితో సంబంధం కలిగి ఉంటాయి. చలికాలంలో నిద్రాణ స్థితిలోకి వెళతాయి. వీటిలో రెండు రకాలున్నాయి 1.నిక్టెయూట్స్ ప్రాసీ అనాయిడీస్(ది కామన్ రాకూన్ డాగ్) 2.నిక్టెయూట్స్ పి. వివర్రినస్(ది జపనీస్ రాకూన్ డాగ్). వుహాన్ మార్కెట్లో దొరికే కుక్కలు ఒక్కొక్కటి దాదాపు 7 కేజీలకు పైగా బరువుంటాయి. ఈ జంతువులు సర్వభక్షకాలు.. అన్ని రకాల ఆహార పదార్థాలు తింటాయి. ఎలుకలు మొదలుకొని బెర్రీల వరకు ఏవైనా సరే ఆరగిస్తాయి. వేసవిలో చురుగ్గా తిరుగుతూ ఆహారం సేకరిస్తాయి. చలికాలంలో స్థిరంగా ఒక చోట ఉండిపోతాయి. వీటి జుట్టు కూడా మందంగా ఉంటుంది. జతలు జతలుగా కలిసి ఉండే ఈ కుక్కలు ఒక దాంతో మరొకటి మాత్రమే సహజీవనం చేయడానికి ఇష్టపడతాయని సమాచారం.
ఎక్కడున్నాయి?
రాకూన్ జాతి కుక్కలు తూర్పు ఆసియాకు చెందినవి. చైనా(China), కొరియా, జపాన్(Japan)లో ఎక్కువగా కన్పిస్తాయి. వాటిని ‘తనుకి’ అని కూడా పిలుస్తారు. ఐరోపాలోనూ వీటి సంచారం ఉంది. 1920 నుంచే రాకూన్ కుక్కల వెంట్రుకలతో వ్యాపారం చేశారు. ప్రస్తుతం ఐరోపా పర్యావరణ వ్యవస్థకు రాకూన్ కుక్కలు హాని చేస్తున్నాయని భావిస్తున్నారు. జపాన్లో మాత్రం రాకూన్ కుక్కలను గౌరవంగా చూస్తున్నారు.
వుహాన్లో అత్యధిక విక్రయాలు
రాకూన్ కుక్కల వెంట్రుకల కోసం కొన్ని దశాబ్దాలుగా చైనాలో వీటిని పెంచుతున్నారు. అలా కొన్ని వేల జంతువులను ఇప్పటి వరకు వధించారు. వాటి మాంసాన్ని కూడా విక్రయించారు. వీటి నుంచి తీసిన వెంట్రుకలను ఎక్కువగా అమెరికాకు ఎగుమతి చేస్తున్నారు. డిమాండ్ బాగా ఉండటంతో ఈ కుక్కలను చిన్నపాటి బోనుల్లో ఉంచి పెంచుతున్నారు. కొన్నిసార్లు ఇతర జంతువులను కూడా వీటితో కలిపి ఉంచుతారు. ఈ కారణం చేతనే వివిధ రకాల కొత్త వ్యాధులు వ్యాపిస్తున్నాయి.
వ్యాధులకు కారణం!
చైనాలో 2003లో సార్స్ కరోనా వైరస్ ప్రబలిన సమయంలోనే ఆ ఆనవాళ్లు ఈ రాకూన్ జాతి కుక్కల్లో కూడా కన్పించినట్లు ఎన్పీఆర్ నివేదికలో వెల్లడైంది. 2022లో చైనాలోని 18 రకాల జాతులకు చెందిన 2వేల జంతువుల నుంచి శాంపిళ్లు తీశారు. అందులో రాకూన్ జాతి కుక్కలు కూడా ఉన్నాయి. మొత్తంగా 13 వైరల్ ఫ్యామిలీకి చెందిన 102 రకాల వైరస్లు వాటిలో ఉన్నట్లు తేలింది. అందులో 21 రకాలు మానవులకు అత్యంత ప్రమాదకరం అని వెల్లడైంది. రాకూన్లలో.. కుక్క జాతులకు సంబంధించిన నాలుగు రకాల కరోనా వైరస్ల ఆనవాళ్లున్నాయని ఆ నివేదిక తెలిపింది. మానవుల్లో బయటపడిన కరోనాకు దీనికి కొంచెం సంబంధం ఉన్నట్లు అందులో ప్రస్తావించారు.
కరోనాపై స్పష్టత కరవు
వుహాన్లో సేకరించిన జన్యు నమూనాలో రాకూన్ కుక్క న్యూక్లిక్ ఆమ్లం, వైరస్ న్యూక్లిక్ ఆమ్లం కలిసి ఉన్నాయని కనిపెట్టారు. ఒకవేళ రాకూన్ కుక్కకు కొవిడ్ వైరస్ సోకినా దాని నుంచి అది నేరుగా మానవులకు వ్యాపించి ఉండకపోవచ్చనీ, అసలు మానవుల ద్వారానే కుక్కకు వైరస్ సోకి ఉండవచ్చనీ శాస్త్రజ్ఞులు చెబుతున్నారు. మరేదైనా జంతువు నుంచి కూడా రాకూన్ కుక్కకు కొవిడ్ వైరస్ సోకి ఉండవచ్చంటున్నారు. ప్రస్తుతానికి జంతువుల నుంచే మానవులకు వైరస్ సోకిందన్న వాదనకే మొగ్గు చూపుతున్నారు. ఈ డేటా గురించి ప్రపంచ ఆరోగ్య సంస్థ డైరెక్టర్ జనరల్ టెడ్రస్ అథనోమ్ మాట్లాడుతూ ‘మహమ్మారి ఎలా ప్రబలింది అనే ప్రశ్నకు ఈ డేటాలో సమాధానం దొరకట్లేదు. కానీ ప్రతి చిన్న సమాచారం కూడా సమాధానం కనుక్కునేందుకు దోహదపడుతుందని’ ఆయన అభిప్రాయపడ్డారు.
-ఇంటర్నెట్ డెస్క్ ప్రత్యేకం
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
విద్యార్థి దశలో రాసిన కావ్యం.. పరీక్షలో అతడికే ప్రశ్నగా వచ్చిన వేళ!
ఒక విద్యార్థి తాను రాసిన పుస్తకంపై పరీక్షలో తిరిగి జవాబుగా రాయడం ఒక అద్భతఘట్టమే అని చెప్పవచ్చు. -
అప్పట్లో ‘Y2K’ భయం.. ఇప్పుడు ‘క్రౌడ్స్ట్రైక్’ ఎఫెక్ట్!
2000లో డెస్క్టాప్ యుగం నడుస్తోన్న వేళ ‘వై2కే’ రూపంలో వచ్చిన ఉప ద్రవం ప్రపంచ దేశాలను కలవరపాటుకు గురిచేసింది. -
మన్సా మూసా.. ఈయన ముందు మస్క్ చాలా చిన్నోడు!
ప్రస్తుతం విశ్వకుబేరుడిగా ఖ్యాతికెక్కిన ఎలాన్ మస్క్ కన్నా దాదాపు రెండు రెట్ల సంపద ఒక వ్యక్తి వద్ద ఉండేది. ఆయనెవరో తెలుసా..! -
నటరాజు నర్తించిన దివ్యధాత్రి.. జటాజూట విన్యాస క్షేత్రస్థలి
త్రినేత్రుడు స్వయంగా భూమిపై ఐదుసార్లు నాట్యం చేసినట్టు ప్రాచీన వాజ్మయం ద్వారా తెలుస్తోంది. ఆ ఐదు క్షేత్రాలు తమిళనాడులో ఉన్నాయి. -
అబ్రహం లింకన్ నుంచి ట్రంప్ వరకు..నాయకులే లక్ష్యంగా దాడులు..!
రాజకీయ హింసకు సంబంధించిన ఘటనలు అగ్రరాజ్యానికి కొత్తేమీ కాదు. పలువురు మాజీ అధ్యక్షులు, పార్టీల అధ్యక్ష అభ్యర్థులు ఈ తరహా దాడులను ఎదుర్కొన్నారు. -
అంబానీ ఇంట పెళ్లి.. ఏడు నెలల వేడుక, రూ.వందల కోట్లు ఖర్చు!
అనంత్-రాధికా మర్చంట్ ఎంగేజిమెంట్ ఏడు నెలల క్రితం జరగగా.. జులై 12న ఏడడుగులతో ఒక్కటి కానున్నారు. -
ఆడతోడు కోసం అలుపెరగని.. రెండు ‘సింహాల సాహసయాత్ర’!
ఓ ఆడతోడు కోసం రెండు సింహాలు అలుపెరగకుండా సాహస ప్రయాణం చేసిన ఘటన ఆఫ్రికాలో చోటుచేసుకుంది. -
వారానికి 150 నిమిషాలైనా.. వ్యాయామం చేయకపోతే ...
మన శరీరానికి ఆహారం, నీరు ఎంత అవసరమో వ్యాయామమూ(exercise) అంతే ముఖ్యం. మనదేశంలో సగంమందికి పైగా వయోజనులు ఆ విషయాన్ని గుర్తించడం లేదు. ఎలాంటి శారీరక శ్రమ లేకుండా రోజులు వెళ్లదీస్తున్నారని తాజాగా ఓ అధ్యయనం వెల్లడించింది. -
నచ్చని ‘బాస్’లను అమ్మేస్తున్నారిలా.. జాబ్ మార్కెట్లో నయా ట్రెండ్!
చైనాలో ఇప్పుడు సరికొత్త ట్రెండ్ వైరల్ అవుతోంది. పలువురు ఉద్యోగులు తమకు నచ్చని ఉద్యోగాలను, బాస్లను, సహోద్యోగులను ఆన్లైన్లో అమ్మకానికి పెడుతున్నారు. -
ఐదుగురు ప్రధానులు మారినా.. ‘వేటగాడు’ మాత్రం అక్కడే!
బ్రిటన్ ప్రధానమంత్రి అధికారిక నివాసం ‘10 డౌనింగ్ స్ట్రీట్’లో గత 14ఏళ్లలో ఐదుగురు ప్రధానులు మారినప్పటికీ.. ల్యారీ అనే పిల్లి మాత్రం అక్కడే మకాం వేసింది. -
రిషి సునాక్కు షాకిచ్చిన బారిస్టర్.. ఎవరీ కీర్ స్టార్మర్..?
Keir Starmer: బ్రిటన్ పార్లమెంట్ ఎన్నికల్లో లేబర్ పార్టీ అఖండ విజయం సాధించింది. దీంతో ఆ పార్టీ నాయకుడు కీర్ స్టార్మర్ నూతన ప్రధానిగా బాధ్యతలు చేపట్టబోతున్నారు. ఇంతకీ ఎవరాయన..? -
కాళ్లకింద నలిగిపోతున్న ప్రాణాలు.. భారత్లో ఈ తరహా భారీ ఘటనలివే!
Stampedes: ఉత్తర్ప్రదేశ్లోని హాథ్రస్లో జరిగిన తొక్కిసలాటలో 116 మందికిపైగా ప్రాణాలు కోల్పోయారు. దేశంలో గతంలో చోటు చేసుకున్న ఈ తరహా ఘటనలను ఓ సారి పరిశీలిస్తే.. -
ఆ క్షిపణి చైనాను కొడుతుందా? అయితే ఓకే.. ఆ దీవిని ఇస్తాను..
ఒడిశా తీరంలోని వీలర్ దీవిని ‘డీఆర్డీవో’కు కేటాయించడం వెనుక దాగిఉన్న ఆసక్తికర కథనం ఇది.. -
రింగురింగులుగానే టెలిఫోన్ రిసీవర్ వైరు.. ఎందుకో తెలుసా?
టెలిఫోన్ రిసీవర్ వైరు రింగురింగులా ఉంటుంది. మనం చాలాసార్లు దీనిని చూసినా అలాగే ఎందుకుంటుందో పెద్దగా పట్టించుకోం. అది కచ్చితంగా ఆలాగే ఎందుకుండాలి? -
హెలికాప్టర్లతో లక్షలాది ‘మగ దోమలు’ విడుదల.. ఎందుకంటే!
కనుమరుగయ్యే ప్రమాదమున్న పలు రకాల అరుదైన పక్షులను కాపాడుకునేందుకు లక్షలాది దోమలను విడిచిపెడుతున్నారు. -
ఎన్నిక ఎరుగని ‘స్పీకర్’ పీఠం.. చరిత్ర తిరగరాస్తారా?
స్వాతంత్ర్యం వచ్చినప్పటి నుంచి లోక్సభ స్పీకర్ ఎన్నిక ఏకాభిప్రాయంతోనే జరుగుతోంది. -
అన్నమో రామచంద్రా నుంచి.. అన్నపూర్ణగా..!
పట్టెడు అన్నం కోసం బిడ్డలను అమ్ముకునే పరిస్థితుల నుంచి అన్నపూర్ణగా ఎదిగిన ఒడిశా రాష్ట్రంలోని కలహండి జిల్లా విజయ గాథ ఇది. -
ఎనిమిదోసారి.. లోక్సభలో ‘సీనియర్ మోస్ట్’ ఎంపీలు!
ఇంద్రజిత్ గుప్తా, వాజ్పేయీ, కమల్నాథ్ వంటి దిగ్గజ నేతల నుంచి మేనకాగాంధీ, సంతోష్ కుమార్ గంగ్వార్ వంటి నేతలు దశాబ్దాల పాటు లోక్సభకు ప్రాతినిధ్యం వహించారు. -
కణకణలాడుతున్న కాంక్రీట్ జంగిల్స్.. నగరాలకే ఈ నరకం ఎందుకో?
దేశ రాజధాని దిల్లీతోపాటు వివిధ మెట్రోపాలిటన్ నగరాల్లో రికార్డు స్థాయి ఉష్ణోగ్రతలు నమోదవుతున్నాయి. వివిధ నగరాల్లో ఇదే పరిస్థితి కనిపిస్తోంది. గ్రామీణ ప్రాంతాల్లో కంటే.. నగరాలు, పట్టణాల్లో మాత్రం ఎండలు భయపెడుతున్నాయి. దీనికి కారణాలేంటి? -
వారానికి ఎంత బరువు తగ్గొచ్చు.. నిపుణులు ఏం చెబుతున్నారంటే!
ఊబకాయ ముప్పును ఎదుర్కొనేందుకు ఆరోగ్యకరమైన ఆహారపు అలవాట్లతోపాటు నిత్యం వ్యాయామం వంటి ద్విముఖ విధానం అవసరమని స్పష్టం చేస్తున్నారు. -
మిలమిల మెరిసి.. మాయమవుతున్న చుక్కలు!
కొన్నేళ్లుగా నక్షత్రాలు అదృశ్యమవుతున్న తీరు అంతరిక్ష శాస్త్రవేత్తలను కలవరపాటుకు గురి చేస్తోంది. గత 70 ఏళ్లలో దాదాపు 800 నక్షత్రాలు కనిపించకుండా పోయినట్టు వారు వెల్లడించారు.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
మా పాలన బాగా లేదని చెబితే సరిపోతుందా?.. ఆధారాలు చూపండి: హరీశ్రావు
-
నాపై కాల్పులు జరిగిన చోటే ర్యాలీ నిర్వహిస్తా: ట్రంప్
-
ఏపీకి ఐపీఎస్ కేడర్ స్ట్రెంత్ పెంపు
-
‘రాయన్’ సక్సెస్.. ఫొటో వైరల్
-
నీతి ఆయోగ్ భేటీ.. వికసిత్ ఏపీ-2047లోని అంశాలను ప్రస్తావించనున్న చంద్రబాబు
-
ప్రధాని మోదీ అధ్యక్షతన నీతి ఆయోగ్ సమావేశం ప్రారంభం