Monarch butterfly : మహా ‘మోనార్క్’లు ఈ సీతాకోక చిలుకలు.. వేల మైళ్లు ప్రయాణిస్తాయి!
తాము బతకడం.. భావి తరాలను బతికించడం కోసం జీవితాంతం యుద్ధం చేస్తుంటాయి ‘మోనార్క్’ జాతి సీతాకోక చిలుకలు (Monarch butterfly).
ఈ సువిశాల భూగోళంపై వేలవేల వర్ణాల సీతాకోక చిలుకలు (Butterfly) సంచరిస్తున్నాయి. వాటిలో ‘మోనార్క్’ జాతి సీతాకోక చిలుకలది (Monarch butterfly) ప్రత్యేకమైన శైలి. అమెరికా (America), కెనడా (Canada) దేశాల్లో ఇవి ఎక్కువగా కన్పిస్తాయి. తమ మనుగడను కాపాడుకొనేందుకు మోనార్క్ జాతి సీతాకోక చిలుకలు కొన్ని ఏకంగా 4 వేల కిలోమీటర్లకు పైగా దూరం ప్రయాణం చేస్తాయి. మెక్సికోలోని (Mexico) సురక్షిత ప్రాంతాలకు వలస వెళ్లి.. అక్కడే నిద్రాణస్థితిలో ఉండి తిరిగి తమ స్వస్థలానికి చేరుకుంటాయి. ఆ విశేషాలేంటో తెలుసుకోండి మరి..
దారి తెలియని సుదూర ప్రయాణం!
అన్ని సీతాకోక చిలుకల్లాగే.. ‘మోనార్క్’లు కూడా గుడ్డు, గొంగళి పురుగు, ప్యూపా, సీతాకోక చిలుకలుగా రూపాంతరం చెందుతాయి. నారింజ, నలుపు, తెలుపు ముదురు రంగులతో ఆకర్షణీయంగా కనిపించే ఈ సీతాకోక చిలుకలు రెక్కలు విప్పితే పది సెంటీమీటర్ల వెడల్పు ఉంటాయి. వాతావరణ మార్పులు సంభవించగానే మోనార్క్లు దాదాపు మూడు వేల మైళ్ల దూరం ప్రయాణించి మెక్సికో చేరుకుంటాయి. ఆ ప్రదేశాన్ని మునుపెన్నడూ చూడకపోయినా అవి విచిత్రంగా ఏటా అక్కడికే వెళ్తాయి. మెక్సికోలోని చల్లటి వాతావరణాన్ని తట్టుకునేందుకు ఈ కీటకాలు నిద్రాణ స్థితిలోకి వెళ్తాయి. వలస కాలం పూర్తయ్యే నాటికి స్త్రీ మోనార్క్ల పునరుత్పత్తి అవయవాలు పూర్తిగా అభివృద్ధి చెందుతాయి. దాంతో పురుష మోనార్క్లు వాటితో సంభోగం చేస్తాయి. నిజానికి మెక్సికో వాతావరణం కూడా ‘మోనార్క్’ల జీవన విధానానికి అనువుగా ఉంటుంది. ఎత్తయిన దేవదారు వృక్షాలు సీతాకోకచిలుకలు గుంపులు గుంపులుగా ఉండటానికి తోడ్పడతాయి. కొందరు మెక్సికో పౌరులు సైతం వాటి మనుగడకు భంగం వాటిల్లకుండా చూసుకుంటున్నారు. మోనార్క్లు నివాసం ఉండే చెట్లను కొట్టివేయకుండా.. ఆ ప్రాంతంలో జన సంచారం అధికం కాకుండా చర్యలు తీసుకుంటున్నారు.
‘మిల్క్ వీడ్’ తోడ్పాటు
వసంత కాలం ప్రారంభం కాగానే అవి తిరిగి తమ సొంత స్థానానికి ప్రయాణం సాగిస్తాయి. ఈ క్రమంలో దారి వెంట కనిపించిన ‘మిల్క్వీడ్’ మొక్కలపై గుడ్లు పెడతాయి. ఈ ప్రక్రియ మార్చి నుంచి ఏప్రిల్ ప్రారంభంలో జరుగుతుంది. నిజానికి ‘మోనార్క్’ల జీవన చక్రంలో ‘మిల్క్ వీడ్’ మొక్కలు కీలక భూమిక పోషిస్తాయి. గుడ్లు మొదలుకొని సీతాకోకచిలుకగా రూపాంతరం చెందే వరకు మోనార్క్లు ఈ మొక్కలను ఆధారం చేసుకొనే ఎదుగుతాయి. కొంచెం విషపూరితమైన ఈ మొక్కలు ‘మోనార్క్’లను మాత్రం ఏమీ చేయవు.ఈ మొక్క ఆకులను తిన్న మోనార్క్ శరీరంలోకి కూడా కొంచెం విషం ఎక్కుతుంది. దాంతో మోనార్క్ శరీరం కూడా విష పూరితంగా ఉంటుంది. అందువల్ల వాటికి శత్రువుల నుంచి జీవిత కాలం రక్షణ లభిస్తుంది. ‘మిల్క్ వీడ్’పై ఉన్న గుడ్ల పునరుత్పత్తి ప్రక్రియ మళ్లీ ఆగస్టు, సెప్టెంబరు మొదట్లో ప్రారంభమవుతుంది. అలా మూడు నుంచి నాలుగు తరాల మోనార్క్లు అభివృద్ధి చెందుతుంటాయి.
దారి పొడవునా పోరాటం
ప్రతి ఏటా కెనడా, ఉత్తర అమెరికా నుంచి మోనార్క్లు వలస వెళ్తుంటాయి. ఆగస్టు చివర్లో, నవంబరు, డిసెంబరు మాసాల్లో ఈ వలసలు జరుగుతుంటాయి. వాటి గమ్యస్థానం సెంట్రల్ మెక్సికోలోని ఓయామెల్ ఫారెస్ట్. ఈ మోనార్క్లు రోజుకు 50 మైళ్ల దూరం సునాయాసంగా ప్రయాణిస్తాయని శాస్త్రవేత్తలు చెబుతున్నారు. గంటకు ఇవి 12 మైళ్ల దూరం వెళతాయట. నైరుతి దిశగా సాగే వాటి ప్రయాణంలో పెద్దపెద్ద నదులు తారసపడతాయి. ఈ ప్రయాణంలో ‘మోనార్క్’లకు ఎన్నో తుపానులు ఎదురవుతుంటాయి. ‘మోనార్క్’లను తినేందుకు రకరకాల పక్షులు ప్రయత్నిస్తాయి. హైవేల గుండా ప్రయాణం చేసేటప్పుడు భారీ వాహనాలు తగిలి ప్రాణాలు కోల్పోతుంటాయి. సుదూర ప్రయాణం కావడంతో కొన్ని తీవ్రమైన అలసటతో మరణిస్తాయి. అలా మిలియన్ల కొద్దీ బయలుదేరిన మోనార్క్ల సంఖ్య మెక్సికో చేరే సరికి భారీగా తగ్గిపోతుంది. మెక్సికోలోనూ వాటికి కొన్ని అడ్డంకులు ఎదురవుతాయి. చెట్లపై ఉన్నప్పుడు భారీ గాలులు వీస్తుంటాయి. తీవ్రమైన మంచు వర్షానికి తట్టుకోలేక వేలాది సీతాకోక చిలుకలు చనిపోతుంటాయి. ఈ వలస కాలంలో సీతాకోకచిలుకలు మకరందాన్ని సేకరించి కార్బోహైడ్రేట్లను పోగు చేసుకుంటాయి. తిరిగి వెళ్లేందుకు కావాల్సిన శక్తిని శరీరంలో నిల్వ చేస్తాయి. కానీ వీటిలోనూ సగానికి సగం మెక్సికోలోనే ప్రాణాలు కోల్పోతాయి.
వలస ఓ మిస్టరీనే..
ఒక దేశం నుంచి మరో దేశానికి వేల కిలోమీటర్లు ప్రయాణం చేయాల్సిన అవసరం ఈ సీతాకోక చిలుకలకు ఎందుకొచ్చిందీ అనే విషయం శాస్త్రవేత్తలకు ఇంకా అంతుచిక్కడం లేదు. తాము నివాసం ఉంటున్న ప్రాంతంలో ఉష్ణోగ్రతలు గణనీయంగా తగ్గుతున్నట్లు ఈ మోనార్క్లు ముందుగానే గ్రహిస్తాయని కొందరు శాస్త్రవేత్తలు చెబుతున్నారు. ఆహారం దొరకని పక్షంలో తమ మనుగడ కష్టమని తెలిసి సురక్షిత ప్రాంతానికి వలస వెళ్తున్నాయట. మరి అప్పుడే పుట్టిన వాటికి వాతావరణ మార్పులు ఎలా తెలుస్తాయనే ప్రశ్న ఉదయిస్తుంది. అందుకు శాస్త్రవేత్తలు ఏం చెబుతున్నారంటే.. ఈ కీటకాలు వాతావరణ మార్పులను నిశితంగా గమనిస్తుంటాయి. పగలు, రాత్రి ఉష్ణోగ్రతల్లో తేడాను పసిగడతాయి. రాత్రి ఉష్ణోగ్రతలు తగ్గుముఖం పడితే అతిశీతల వాతావారణాన్ని ఎదుర్కోవాల్సి వస్తుందని పక్షుల్లాగే వాటికీ తెలిసిపోతుందట. అందుకే ఆ ప్రాంతం నుంచి వలస వెళ్లేందుకు సిద్ధపడుతుంటాయని చెబుతున్నారు.
ఎంతో తెలివైనవి..
మోనార్క్ సీతాకోక చిలుకల మరో ప్రత్యేకత ఏమిటంటే వాటి భావ వ్యక్తీకరణ. మగ మోనార్క్లు తమ వెనుక రెక్కలపై ఉండే సువాసనల గ్రంథుల నుంచి రసాయనాలను విడుదల చేసి ఆడ మోనార్క్లను ఆకర్షణకు గురి చేస్తాయి. ఈ జాతి సీతాకోక చిలుకల రెక్కలు నారింజ రంగులో ఉండటం వల్ల మిగిలిన వాటికి తాము విషపూరితం అనే సంకేతాన్ని పంపుతాయి. ఈ కీటకంపై ఉండే ప్రకాశవంతమైన రంగులు హెచ్చరికలు జారీ చేస్తూ.. తమపై దాడి చేస్తే చిక్కులు తప్పవనే సందేశమిస్తాయి.
-ఇంటర్నెట్ డెస్క్ ప్రత్యేకం
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
విద్యార్థి దశలో రాసిన కావ్యం.. పరీక్షలో అతడికే ప్రశ్నగా వచ్చిన వేళ!
ఒక విద్యార్థి తాను రాసిన పుస్తకంపై పరీక్షలో తిరిగి జవాబుగా రాయడం ఒక అద్భతఘట్టమే అని చెప్పవచ్చు. -
అప్పట్లో ‘Y2K’ భయం.. ఇప్పుడు ‘క్రౌడ్స్ట్రైక్’ ఎఫెక్ట్!
2000లో డెస్క్టాప్ యుగం నడుస్తోన్న వేళ ‘వై2కే’ రూపంలో వచ్చిన ఉప ద్రవం ప్రపంచ దేశాలను కలవరపాటుకు గురిచేసింది. -
మన్సా మూసా.. ఈయన ముందు మస్క్ చాలా చిన్నోడు!
ప్రస్తుతం విశ్వకుబేరుడిగా ఖ్యాతికెక్కిన ఎలాన్ మస్క్ కన్నా దాదాపు రెండు రెట్ల సంపద ఒక వ్యక్తి వద్ద ఉండేది. ఆయనెవరో తెలుసా..! -
నటరాజు నర్తించిన దివ్యధాత్రి.. జటాజూట విన్యాస క్షేత్రస్థలి
త్రినేత్రుడు స్వయంగా భూమిపై ఐదుసార్లు నాట్యం చేసినట్టు ప్రాచీన వాజ్మయం ద్వారా తెలుస్తోంది. ఆ ఐదు క్షేత్రాలు తమిళనాడులో ఉన్నాయి. -
అబ్రహం లింకన్ నుంచి ట్రంప్ వరకు..నాయకులే లక్ష్యంగా దాడులు..!
రాజకీయ హింసకు సంబంధించిన ఘటనలు అగ్రరాజ్యానికి కొత్తేమీ కాదు. పలువురు మాజీ అధ్యక్షులు, పార్టీల అధ్యక్ష అభ్యర్థులు ఈ తరహా దాడులను ఎదుర్కొన్నారు. -
అంబానీ ఇంట పెళ్లి.. ఏడు నెలల వేడుక, రూ.వందల కోట్లు ఖర్చు!
అనంత్-రాధికా మర్చంట్ ఎంగేజిమెంట్ ఏడు నెలల క్రితం జరగగా.. జులై 12న ఏడడుగులతో ఒక్కటి కానున్నారు. -
ఆడతోడు కోసం అలుపెరగని.. రెండు ‘సింహాల సాహసయాత్ర’!
ఓ ఆడతోడు కోసం రెండు సింహాలు అలుపెరగకుండా సాహస ప్రయాణం చేసిన ఘటన ఆఫ్రికాలో చోటుచేసుకుంది. -
వారానికి 150 నిమిషాలైనా.. వ్యాయామం చేయకపోతే ...
మన శరీరానికి ఆహారం, నీరు ఎంత అవసరమో వ్యాయామమూ(exercise) అంతే ముఖ్యం. మనదేశంలో సగంమందికి పైగా వయోజనులు ఆ విషయాన్ని గుర్తించడం లేదు. ఎలాంటి శారీరక శ్రమ లేకుండా రోజులు వెళ్లదీస్తున్నారని తాజాగా ఓ అధ్యయనం వెల్లడించింది. -
నచ్చని ‘బాస్’లను అమ్మేస్తున్నారిలా.. జాబ్ మార్కెట్లో నయా ట్రెండ్!
చైనాలో ఇప్పుడు సరికొత్త ట్రెండ్ వైరల్ అవుతోంది. పలువురు ఉద్యోగులు తమకు నచ్చని ఉద్యోగాలను, బాస్లను, సహోద్యోగులను ఆన్లైన్లో అమ్మకానికి పెడుతున్నారు. -
ఐదుగురు ప్రధానులు మారినా.. ‘వేటగాడు’ మాత్రం అక్కడే!
బ్రిటన్ ప్రధానమంత్రి అధికారిక నివాసం ‘10 డౌనింగ్ స్ట్రీట్’లో గత 14ఏళ్లలో ఐదుగురు ప్రధానులు మారినప్పటికీ.. ల్యారీ అనే పిల్లి మాత్రం అక్కడే మకాం వేసింది. -
రిషి సునాక్కు షాకిచ్చిన బారిస్టర్.. ఎవరీ కీర్ స్టార్మర్..?
Keir Starmer: బ్రిటన్ పార్లమెంట్ ఎన్నికల్లో లేబర్ పార్టీ అఖండ విజయం సాధించింది. దీంతో ఆ పార్టీ నాయకుడు కీర్ స్టార్మర్ నూతన ప్రధానిగా బాధ్యతలు చేపట్టబోతున్నారు. ఇంతకీ ఎవరాయన..? -
కాళ్లకింద నలిగిపోతున్న ప్రాణాలు.. భారత్లో ఈ తరహా భారీ ఘటనలివే!
Stampedes: ఉత్తర్ప్రదేశ్లోని హాథ్రస్లో జరిగిన తొక్కిసలాటలో 116 మందికిపైగా ప్రాణాలు కోల్పోయారు. దేశంలో గతంలో చోటు చేసుకున్న ఈ తరహా ఘటనలను ఓ సారి పరిశీలిస్తే.. -
ఆ క్షిపణి చైనాను కొడుతుందా? అయితే ఓకే.. ఆ దీవిని ఇస్తాను..
ఒడిశా తీరంలోని వీలర్ దీవిని ‘డీఆర్డీవో’కు కేటాయించడం వెనుక దాగిఉన్న ఆసక్తికర కథనం ఇది.. -
రింగురింగులుగానే టెలిఫోన్ రిసీవర్ వైరు.. ఎందుకో తెలుసా?
టెలిఫోన్ రిసీవర్ వైరు రింగురింగులా ఉంటుంది. మనం చాలాసార్లు దీనిని చూసినా అలాగే ఎందుకుంటుందో పెద్దగా పట్టించుకోం. అది కచ్చితంగా ఆలాగే ఎందుకుండాలి? -
హెలికాప్టర్లతో లక్షలాది ‘మగ దోమలు’ విడుదల.. ఎందుకంటే!
కనుమరుగయ్యే ప్రమాదమున్న పలు రకాల అరుదైన పక్షులను కాపాడుకునేందుకు లక్షలాది దోమలను విడిచిపెడుతున్నారు. -
ఎన్నిక ఎరుగని ‘స్పీకర్’ పీఠం.. చరిత్ర తిరగరాస్తారా?
స్వాతంత్ర్యం వచ్చినప్పటి నుంచి లోక్సభ స్పీకర్ ఎన్నిక ఏకాభిప్రాయంతోనే జరుగుతోంది. -
అన్నమో రామచంద్రా నుంచి.. అన్నపూర్ణగా..!
పట్టెడు అన్నం కోసం బిడ్డలను అమ్ముకునే పరిస్థితుల నుంచి అన్నపూర్ణగా ఎదిగిన ఒడిశా రాష్ట్రంలోని కలహండి జిల్లా విజయ గాథ ఇది. -
ఎనిమిదోసారి.. లోక్సభలో ‘సీనియర్ మోస్ట్’ ఎంపీలు!
ఇంద్రజిత్ గుప్తా, వాజ్పేయీ, కమల్నాథ్ వంటి దిగ్గజ నేతల నుంచి మేనకాగాంధీ, సంతోష్ కుమార్ గంగ్వార్ వంటి నేతలు దశాబ్దాల పాటు లోక్సభకు ప్రాతినిధ్యం వహించారు. -
కణకణలాడుతున్న కాంక్రీట్ జంగిల్స్.. నగరాలకే ఈ నరకం ఎందుకో?
దేశ రాజధాని దిల్లీతోపాటు వివిధ మెట్రోపాలిటన్ నగరాల్లో రికార్డు స్థాయి ఉష్ణోగ్రతలు నమోదవుతున్నాయి. వివిధ నగరాల్లో ఇదే పరిస్థితి కనిపిస్తోంది. గ్రామీణ ప్రాంతాల్లో కంటే.. నగరాలు, పట్టణాల్లో మాత్రం ఎండలు భయపెడుతున్నాయి. దీనికి కారణాలేంటి? -
వారానికి ఎంత బరువు తగ్గొచ్చు.. నిపుణులు ఏం చెబుతున్నారంటే!
ఊబకాయ ముప్పును ఎదుర్కొనేందుకు ఆరోగ్యకరమైన ఆహారపు అలవాట్లతోపాటు నిత్యం వ్యాయామం వంటి ద్విముఖ విధానం అవసరమని స్పష్టం చేస్తున్నారు. -
మిలమిల మెరిసి.. మాయమవుతున్న చుక్కలు!
కొన్నేళ్లుగా నక్షత్రాలు అదృశ్యమవుతున్న తీరు అంతరిక్ష శాస్త్రవేత్తలను కలవరపాటుకు గురి చేస్తోంది. గత 70 ఏళ్లలో దాదాపు 800 నక్షత్రాలు కనిపించకుండా పోయినట్టు వారు వెల్లడించారు.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
జేడీ వాన్స్ వ్యాఖ్యలు వైరల్.. తీవ్రంగా ఖండించిన ప్రముఖ నటి
-
మా బంధం ఎంతో స్పెషల్: కొత్త కోచ్ గంభీర్పై స్కై వ్యాఖ్యలు
-
సౌదీ అరేబియాలో దుర్భర జీవితం.. బాధితుడిని కాపాడిన మంత్రి లోకేశ్
-
అగ్నిపథ్ పథకంపై విపక్షాల విమర్శలు.. ఖండించిన మోదీ
-
మెక్సికన్ డ్రగ్ లార్డ్ ఇస్మాయిల్ ‘ఎల్ మాయో’ జంబాడ అరెస్ట్
-
26 మంది హత్య.. మృతదేహాలను నదిలోకి ఈడ్చుకెళ్లిన మొసళ్లు..!